مەملەكەت باسشىسى چەرنوگوريا پرەزيدەنتىمەن كەزدەستى
نيۋ-يورك. KAZINFORM - مەملەكەت باسشىسى ب ۇ ۇ باس اسسامبلەياسىنىڭ 80-سەسسياسى الاڭىندا چەرنوگوريا پرەزيدەنتى ياكوۆ ميلاتوۆيچپەن كەزدەستى، دەپ حابارلايدى اقوردانىڭ باسپا ءسوز قىزمەتى.
قاسىم-جومارت توقايەۆ ەلىمىز چەرنوگوريانى بالقان تۇبەگىندەگى ماڭىزدى سەرىكتەسى سانايتىنىن اتاپ ءوتتى.
كەلەسى جىلى ەكى ەل اراسىنداعى ديپلوماتيالىق ىنتىماقتاستىق ورناعانىنا 20 جىل تولادى. وسى جىلدار ىشىندە مەملەكەتتەر اراسىندا دوستىق پەن ءوزارا تۇسىنىستىككە نەگىزدەلگەن سىندارلى قارىم- قاتىناس قالىپتاستى.
ياكوۆ ميلاتوۆيچ ەكىجاقتى بايلانىستاردى دامىتۋعا ايتارلىقتاي ۇلەس قوسقانى ءۇشىن قازاقستان پرەزيدەنتىنە العىس ايتتى. ونىڭ ايتۋىنشا، چەرنوگوريا قازاقستاندىق تۋريستەر ءجيى كەلەتىن ەلدەردىڭ بىرىنە اينالعان.
الماتى مەن پودگوريتسا اراسىندا تىكەلەي اۋە رەيسىنىڭ اشىلۋى، سونداي-اق قازاقستان ازاماتتارىنا ۆيزاسىز رەجيم ەنگىزىلۋى قوس حالىقتى جاقىنداتا ءتۇستى.
بۇعان دەيىن پرەزيدەنت ب ۇ ۇ باس حاتشىسىمەن كەزدەسۋ وتكىزدى.