مەملەكەت باسشىسى گرەكيا پرەمەر-مينيسترىمەن كەزدەستى
استانا. KAZINFORM - مەملەكەت باسشىسى قاسىم-جومارت توقايەۆ گرەكيا پرەمەر-ءمينيسترى كيرياكوس ميتسوتاكيسپەن كەزدەستى، دەپ حابارلايدى اقوردا.
پرەزيدەنت قاسىم-جومارت توقايەۆ ب ۇ ۇ كليماتتىڭ وزگەرۋى تۋرالى نەگىزدەمەلىك كونۆەنسياسىنا قوسىلۋشى تاراپتاردىڭ 29- كونفەرەنسياسى اياسىندا گرەكيا پرەمەر- ءمينيسترى كيرياكوس ميتسوتاكيسپەن كەزدەسۋ وتكىزدى.
مەملەكەت باسشىسى گرەكيانى قازاقستاننىڭ جەرورتا تەڭىزى ايماعى جانە ەۋروپا وداعىنداعى سەنىمدى سەرىكتەسى رەتىندە اتاپ ءوتىپ، افينى ەلىمىزدىڭ ەۋروپا وداعىنا مۇشە مەملەكەتتەر اراسىنداعى بەس ءىرى ساۋدا ارىپتەسىنىڭ ءبىرى ەكەنىنە نازار اۋداردى.
ءوز كەزەگىندە كيرياكوس ميتسوتاكيس قازاق-گرەك ىنتىماقتاستىعىنىڭ الەۋەتىن جوعارى باعالاپ، بارلىق باعىتتاعى ءوزارا بايلانىستاردى تەرەڭدەتۋگە دايىندىعىن جەتكىزدى.
قاسىم-جومارت توقايەۆ پەن كيرياكوس ميتسوتاكيس ساۋدا-ەكونوميكالىق، ينۆەستيتسيالىق جانە مادەني-گۋمانيتارلىق قارىم-قاتىناستى نىعايتۋعا بەيىل ەكەنىن راستاپ، ءوزارا ساۋدا-ساتتىقتى ءارتاراپتاندىرۋدىڭ ماڭىزدىلىعىنا توقتالدى.
كەزدەسۋدە بەلسەندى ساياسي ديالوگ جۇرگىزۋ جونىندە ۋاعدالاستىق جاسالدى. گرەكيا ۇكىمەتىنىڭ باسشىسى پرەزيدەنت قاسىم-جومارت توقايەۆتىڭ قازاقستانعا ساپارمەن كەلۋ تۋرالى ۇسىنىسىن ريزاشىلىقپەن قابىل الدى.
ەسكە سالايىق، پرەزيدەنت قاسىم-جومارت توقايەۆ دۇنيەجۇزىلىك كليمات سامميتىنە قاتىسۋ ءۇشىن باكۋدەگى وليمپيادالىق ستاديونعا باردى. سوسىن مەملەكەت باسشىسى باكۋدەگى دۇنيەجۇزىلىك كليمات سامميتىندە ءسوز سويلەدى. كليماتتىڭ وزگەرۋى جونىندەگى ب ۇ ۇ- نىڭ نەگىزدەمەلىك كونۆەنسياسىنا قوسىلۋشى تاراپتاردىڭ 29- كونفەرەنسياسى اياسىندا ق ر پرەزيدەنتى قاسىم-جومارت توقايەۆ فينليانديا پرەزيدەنتى الەكساندر ستۋببپەن كەزدەسۋ وتكىزدى. سونداي-اق قاسىم-جومارت توقايەۆ سامميتىندە ءبىرقاتار ەلدىڭ باسشىلارىمەن اڭگىمەلەستى. بۇگىن باكۋدە قازاقستان، ازەربايجان جانە وزبەكستان پرەزيدەنتتەرى ءۇش ەلدىڭ ەنەرگەتيكالىق جۇيەسىن ينتەگراتسيالاۋ جونىندەگى كەلىسىمگە قول قويدى.
اۆتور
ساياگۇل جارىلقاسىن