استانا. KAZINFORM - قاسىم-جومارت توقايەۆ باتىس قازاقستان وبلىسىنا جۇمىس ساپارى كەزىندە ىشكى ىستەر ورگاندارى، توتەنشە جاعدايلار دەپارتامەنتى، ۇلتتىق ۇلان قىزمەتكەرلەرىنەن قۇرالعان قۇتقارۋشىلار توبىمەن جانە سۋ تاسقىنىنا قارسى شارالارعا بەلسەندى قاتىسىپ جاتقان ەرىكتىلەرمەن جۇزدەستى، دەپ حابارلايدى اقوردانىڭ باسپا ءسوز قىزمەتى.
كەزدەسۋ بارىسىندا پرەزيدەنت تابيعي اپاتپەن كۇرەسكە اتسالىسقان بارلىق ازاماتقا ريزاشىلىعىن ءبىلدىرىپ، ولار بۇكىل ەلىمىز ءۇشىن وتە ماڭىزدى، يگى ءىس اتقارىپ جۇرگەنىن اتاپ ءوتتى.
- كوپ ۇزاماي بۇل جۇمىستار دا اياقتالادى. قيىندىقتى قالاي دا ەڭسەرەمىز. وسىندا ەڭبەك ەتىپ جۇرگەن قۇتقارۋشىلار، پوليتسەيلەر، ەرىكتىلەر لايىقتى دەڭگەيدە ماراپاتتالادى. بۇل مىندەتتى تۇردە مەنىڭ باقىلاۋىمدا بولادى،- دەدى قاسىم- جومارت توقايەۆ.
Фото: Ақорда
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.