مەملەكەت باسشىسى قازاقستاننىڭ شەت ەلدەردەگى ءبىرقاتار ەلشىسىن تاعايىندادى
استانا. KAZINFORM - مەملەكەت باسشىسىنىڭ جارلىعىمەن قازاقستاننىڭ شەت ەلدەردەگى ءبىرقاتار ەلشىسى تاعايىندالدى. بۇل تۋرالى اقوردانىڭ باسپا ءسوز قىزمەتى حابارلادى.
وڭتالاپ سەرىكباي ۇلى وڭالبايەۆ قازاقستان رەسپۋبليكاسىنىڭ يران يسلام رەسپۋبليكاسىنداعى توتەنشە جانە وكىلەتتى ەلشىسى لاۋازىمىنا تاعايىندالدى؛
ساتىبالدى ەرەس ۇلى بۇرشاقوۆ قازاقستان رەسپۋبليكاسىنىڭ سولتۇستىك ماكەدونيا رەسپۋبليكاسىنداعى توتەنشە جانە وكىلەتتى ەلشىسى بولىپ تاعايىندالدى، ول قازاقستان رەسپۋبليكاسىنىڭ يزرايل مەملەكەتىندەگى توتەنشە جانە وكىلەتتى ەلشىسى، قازاقستان رەسپۋبليكاسىنىڭ كيپر رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋشى لاۋازىمدارىنان بوساتىلدى؛
داۋلەت تازابەك ۇلى ەمبەردييەۆ قازاقستان رەسپۋبليكاسىنىڭ يزرايل مەملەكەتىندەگى توتەنشە جانە وكىلەتتى ەلشىسى لاۋازىمىنا تاعايىندالدى؛
قازاقستان رەسپۋبليكاسىنىڭ ۆەتنام سوتسياليستىك رەسپۋبليكاسىنداعى توتەنشە جانە وكىلەتتى ەلشىسى قانات قوبىلاندى ۇلى تۋمىش قازاقستان رەسپۋبليكاسىنىڭ كامبودجا كورولدىگىندەگى، لاوس حالىق دەموكراتيالىق رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋشى بولىپ تاعايىندالدى؛
قازاقستان رەسپۋبليكاسىنىڭ ماروككو كورولدىگىندەگى توتەنشە جانە وكىلەتتى ەلشىسى ساۋلەكۇل سايلاۋ قىزى قازاقستان رەسپۋبليكاسىنىڭ توگو رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋشى لاۋازىمىنا تاعايىندالدى.
سونىمەن قاتار مەملەكەت باسشىسىنىڭ جارلىعىمەن قازاقستان رەسپۋبليكاسىنىڭ ماجارستانداعى توتەنشە جانە وكىلەتتى ەلشىسى جانىبەك جاراسقان ۇلى ءابدراشوۆ قازاقستان رەسپۋبليكاسىنىڭ سولتۇستىك ماكەدونيا رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋشى لاۋازىمىنان بوساتىلدى.