«ءسىزدىڭ مەملەكەتتىك ساپارىڭىز قازاقستان-رەسەي قارىم-قاتىناسىنىڭ دامۋىنداعى ماڭىزدى مەجەنى بەلگىلەيتىن شىن مانىندەگى تاريحي وقيعا بولدى. رەسەي - قازاقستان ءۇشىن ستراتەگيالىق سەرىكتەس جانە سەنىمدى وداقتاس.
ءبىزدى دوستىق، عاسىرلار بويعى تاتۋ كورشىلىك پەن ورتاق تاريح بىرىكتىرەدى. مەملەكەتتەرىمىز وسى تەڭدەسسىز قۇندىلىقتارعا سۇيەنە وتىرىپ، بولاشاققا بەت بۇرعان ماعىنالى قارىم-قاتىناستى قالىپتاستىردى»، - دەدى مەملەكەت باسشىسى.
پرەزيدەنت رەسەيلىك ارىپتەسىمەن وتكىزگەن شاعىن جانە كەڭەيتىلگەن قۇرامداعى كەزدەسۋلەرگە دە توقتالدى.
«كەلىسسوزدەر ىسكەرلىكپەن، اشىقتىقپەن ەرەكشە بولدى جانە شىن مانىندە ناتيجەلى بولدى. ءبىز كۇن تارتىبىندەگى وزەكتى ماسەلەلەردى تالقىلاپ، ستراتەگيالىق ارىپتەستىگىمىزدىڭ پەرسپەكتيۆالىق باعىتتارىن بەلگىلەدىك. كۇردەلى گەوساياسي جاعدايعا قاراماستان، ەكىجاقتى قاتىناستار ءورشىل باعىتپەن، قارقىندى دامىپ كەلەدى دەگەن ورتاق پىكىرگە كەلدىك»، - دەدى قاسىم-جومارت توقايەۆ.