مەملەكەت باسشىسى مىسىر پرەزيدەنتىنە قۇتتىقتاۋ جەدەلحاتىن جولدادى
09:56, 23 - شىلدە 2025
استانا. KAZINFORM - قاسىم-جومارت توقايەۆ ابدەل فاتتاح اس-سيسي مەن ونىڭ وتانداستارىن مىسىر اراب رەسپۋبليكاسىنىڭ ۇلتتىق مەيرامى - رەۆوليۋتسيا كۇنىمەن قۇتتىقتادى. بۇل تۋرالى اقوردا ءمالىم ەتتى.
پرەزيدەنت مىسىر ەلىنىڭ ودان ءارى وركەندەي بەرۋىنە تىلەكتەس ەكەنىن جەتكىزدى.
- سونداي-اق قوس حالىقتىڭ يگىلىگى ءۇشىن ەكىجاقتى جانە كوپجاقتى فورماتتاعى قارىم-قاتىناس الداعى ۋاقىتتا دا ارتا تۇسەتىنىنە سەنىم ءبىلدىردى، - دەلىنگەن حابارلامادا.
ەسكە سالا كەتەيىك، بۇعان دەيىن پرەزيدەنت ۆەتنام كوممۋنيستىك پارتياسى ورتالىق كوميتەتىنىڭ باس حاتشىسىنا كوڭىل ايتقان بولاتىن.