مەملەكەت باسشىسى موزامبيك رەسپۋبليكاسىنىڭ پرەزيدەنتىنە قۇتتىقتاۋ جەدەلحاتىن جولدادى
18:44, 25 - ماۋسىم 2025
استانا. KAZINFORM - قاسىم-جومارت توقايەۆ موزامبيك رەسپۋبليكاسىنىڭ پرەزيدەنتى دانيەل شاپۋعا قۇتتىقتاۋ جەدەلحاتىن جولدادى. بۇل تۋرالى اقوردانىڭ باسپا ءسوز قىزمەتى حابارلادى.
پرەزيدەنت دانيەل شاپۋ مەن ونىڭ وتانداستارىن موزامبيك رەسپۋبليكاسىنىڭ تاۋەلسىزدىگىنە 50 جىل تولۋىمەن قۇتتىقتادى.
- وسىناۋ تاريحي كۇن حالقىڭىزدىڭ بىرلىگى مەن جاسامپازدىعىنىڭ ايقىن نىشانى، مەملەكەتتىلىك پەن تۇراقتى دامۋدىڭ مىزعىماس تۇعىرى رەتىندە ەرەكشە مانگە يە. ەلىڭىز تاۋەلسىزدىك قۇندىلىقتارىن تۋ ەتىپ، الداعى ۋاقىتتا دا بيىك ماقسات-مۇراتقا جەتە بەرۋىنە تىلەكتەسپىن، - دەپ جازىلعان جەدەلحاتتا.
مەملەكەت باسشىسى قازاقستان مەن موزامبيك اراسىنداعى دوستىق قارىم-قاتىناس ودان ءارى دامي بەرەتىنىنە سەنىم ءبىلدىردى.