مەملەكەت باسشىسى مەديتسينالىق بۇيىمدار شىعاراتىن كاسىپورىن قىزمەتىمەن تانىستى
شىمكەنت. KAZINFORM - پرەزيدەنت قاسىم-جومارت توقايەۆ شىمكەنت قالاسىنا بارعان ءىسساپار اياسىندا Marai E7 Group ءوندىرىس الاڭىنىڭ قىزمەتىمەن تانىستى. بۇل تۋرالى اقوردا ءمالىم ەتتى.
- كاسىپورىن تراۆماتولوگيا حيرۋرگياسىندا جانە وستەوسينتەزگە كەڭىنەن قولدانىلاتىن داكە مەن تيتان يمپلانتتارىن شىعارۋعا ماماندانعان. پرەزيدەنتكە شىمكەنتتە شىعاتىن ءدارى-دارمەكتەر مەن مەديتسينالىق بۇيىمداردىڭ تۇرلەرى كورسەتىلدى، - دەلىنگەن حابارلامادا.
بۇگىندە شىرايلى شاھار وتاندىق فارماتسيەۆتيكا سالاسىنىڭ دامۋىندا ەلەۋلى ءرول اتقارادى.
مۇندا 19 كاسىپورىن جۇمىس ىستەيدى. ونىڭ ىشىندەگى ەڭ ءىرىسى - «حيمفارم» زاۋىتى.
بۇعان دەيىن حابارلانعانداي، پرەزيدەنت «تاسساي» يندۋستريالدى ايماعىن ارالاپ كوردى.
مەملەكەت باسشىسى قاسىم-جومارت توقايەۆ شىمكەنت قالاسىنىڭ جۇرتشىلىعى الدىندا ءسوز سويلەپ، وڭىرگە جۇمىس ساپارىمەن ارنايى كەلگەنىن، شىرايلى شىمكەنت ەلىمىز ءۇشىن وتە ماڭىزدى قالا، تاريحى تەرەڭ قاستەرلى مەكەن ەكەنىن اتاپ وتكەن بولاتىن.
اۆتور
باقىتگۇل اباي قىزى