مەملەكەت باسشىسى كانادانىڭ گەنەرال-گۋبەرناتورىن قۇتتىقتادى
15:59, 01 - شىلدە 2025
استانا. KAZINFORM - قاسىم-جومارت توقايەۆ ۇلتتىق مەيرام - كانادا كۇنىنە وراي گەنەرال-گۋبەرناتور مەري سايمونعا قۇتتىقتاۋ جەدەلحاتىن جولدادى. بۇل تۋرالى اقوردا ءمالىم ەتتى.
- قازاقستان پرەزيدەنتى بۇل ايتۋلى داتا كانادا جۇرتشىلىعىنىڭ ىنتىماق-بىرلىگىن كورسەتەتىنىن، سونداي-اق مەملەكەتتىڭ ورنىقتى دامۋى مەن حالىقتىڭ ءال-اۋقاتىن ارتتىرۋعا قىزمەت ەتۋگە بەرىك نەگىز قالايتىنىن اتاپ ءوتتى، - دەلىنگەن حابارلامادا.
مەملەكەت باسشىسى گەنەرال-گۋبەرناتوردىڭ جاۋاپتى قىزمەتىنە تابىس، ال كانادا حالقىنا باق-بەرەكە تىلەدى.
بۇعان دەيىن حابارلانعانداي، مەملەكەت باسشىسى ش ى ۇ باس حاتشىسى نۇرلان ەرمەكبايەۆتى قابىلدادى.