مەملەكەت باسشىسى جوعارى سوت كەڭەسىنىڭ ءتوراعاسى دميتري مالاحوۆتى قابىلدادى
15:42, 24 - قىركۇيەك 2024
استانا. KAZINFORM - كەزدەسۋدە جوعارى سوت كەڭەسىنىڭ قىزمەتىن ودان ءارى جەتىلدىرۋ ماسەلەلەرى، اتاپ ايتقاندا سوت كورپۋسىن نىعايتۋعا جانە جاڭارتۋعا، سوت تورەلىگى اكادەمياسىن دامىتۋعا، سونداي- اق سۋديالاردىڭ تارتىپتىك جاۋاپكەرشىلىگىن كۇشەيتۋگە باعىتتالعان شارالار تالقىلاندى.
دميتري مالاحوۆ سوت كەڭەسىنىڭ ءرولى كۇشەيىپ، سۋديالارعا قاتىستى كادرلىق ماسەلەنىڭ بارلىعى قۇزىرەتىنە وتكەندىكتەن، بيزنەس- پروتسەستەر مەن كونكۋرستىق ىرىكتەۋلەردى سيفرلاندىرۋ ماسەلەسى كۇن تارتىبىندە تۇرعانىن جەتكىزدى.
پرەزيدەنتكە كاسساتسيالىق سوتتار كەلەسى جىلدىڭ 1- شىلدەسىنەن جۇمىسىن باستايتىنى تۋرالى باياندالدى. وعان دەيىن كەڭەس سۋديالاردى ىرىكتەپ، سوت قۇرامىن جاساقتايدى.
مەملەكەت باسشىسى ءبىرقاتار ناقتى مىندەت جۇكتەدى.