مەملەكەت باسشىسى جاستاردى كەلەشەكتىڭ كەپىلى سانالاتىن ساپالى ءبىلىم الۋعا شاقىردى

استانا. KAZINFORM - قاسىم-جومارت توقايەۆ شاحماردان ەسەنوۆ اتىنداعى كاسپي تەحنولوگيالار جانە ينجينيرينگ ۋنيۆەرسيتەتىنىڭ اۋماعىندا ورنالاسقان تەحنولوگيا پاركىنىڭ جۇمىسىمەن تانىستى. بۇل تۋرالى اقوردانىڭ باسپا ءسوز قىزمەتى حابارلادى.

پرەزيدەنتكە تەحنوپاركتىڭ زاماناۋي ينفراقۇرىلىممەن جاساقتالعانى جونىندە ايتىلدى. مۇنىڭ ءبارى ستارتاپتار مەن جوبالار ازىرلەۋمەن اينالىساتىن كاسىپكەرلەردى، ستۋدەنتتەردى، سونداي-اق وقۋشىلاردى قولداۋعا ارنالعان.

مەملەكەت باسشىسىنا يننوۆاتسيالىق زەرتحانالار مەن شەبەرحانالار تانىستىرىلدى. وندا ستۋدەنتتەر مەن جاس ماماندار ەلەكترونيكا، روبوتتى تەحنيكا، لازەرمەن كەسۋ، اعاش جانە مەتال وڭدەۋ، پوليگرافيا، 3D- ديزاين، تىگىنشىلىك داعدىلارىن مەڭگەرەدى.

پرەزيدەنت حالىقارالىق باعدارلاما بويىنشا IT- مامانداردى دايارلايتىن وقۋ ايماعىن جانە سيفرلىق ءارى تەلەكوممۋنيكاتسيالىق قۇزىرەتتەردى دامىتۋعا باعىتتالعان زەرتحانانى ارالاپ كوردى.

قاسىم-جومارت توقايەۆ ستۋدەنتتەرمەن اڭگىمەلەسۋ بارىسىندا قازىر جاڭا تەحنولوگيالار مەن جاساندى ينتەللەكت باعىتتارىن دامىتۋ وزەكتى بولىپ وتىرعانىن جەتكىزدى. پرەزيدەنتتىڭ ايتۋىنشا، ەلىمىزدە كولىك- لوگيستيكا سالاسىنىڭ بىلىكتى ماماندارىنا سۇرانىس جوعارى. مەملەكەت باسشىسى جاستاردى كەلەشەكتىڭ كەپىلى سانالاتىن ساپالى ءبىلىم الۋعا شاقىردى.

ايتا كەتەلىك پرەزيدەنت اقتاۋداعى كوتەرمە ساۋدا-تاراتۋ ورتالىعىن ارالاپ كورگەن ەدى.