مەملەكەت باسشىسى چەحيا پرەزيدەنتىنە كوڭىل ايتۋ جەدەلحاتىن جولدادى
21:23, 22 - جەلتوقسان 2023
قاسىم- جومارت توقايەۆ پراگا قالاسىندا بولعان قايعىلى وقيعاعا بايلانىستى چەح رەسپۋبليكاسىنىڭ پرەزيدەنتى پەتر پاۆەلگە كوڭىل ايتتى، دەپ حابارلايدى اقوردانىڭ باسپا ءسوز قىزمەتى.
- پراگا قالاسىنداعى كارلوۆ ۋنيۆەرسيتەتىندە بولعان جانتۇرشىگەرلىك قارۋلى شابۋىل سالدارىنان كوپتەگەن وتانداستارىڭىزدىڭ قازا تاپقانى جانە جاراقات العانى تۋرالى سۋىت حاباردى تەرەڭ كۇيزەلىسپەن قابىل الدىم. وسىنداي اۋىر ساتتە چەحيا حالقىنىڭ قايعى- قاسىرەتىنە ورتاقتاسىپ، سىزگە جانە جاقىندارىنان ايىرىلعان وتباسىلارعا كوڭىل ايتامىن، ال زارداپ شەككەن ازاماتتاردىڭ تەز ارادا ساۋىعىپ كەتۋىنە تىلەكتەستىك بىلدىرەمىن، - دەپ جازىلعان جەدەلحاتتا.