مەملەكەت باسشىسى شۆەيتساريا ۇلتتىق بانكىن باسقارۋشىلار كەڭەسىنىڭ ءتوراعاسىن قابىلدادى
استانا. KAZINFORM - كەزدەسۋ بارىسىندا قازاقستان مەن شۆەيتساريا ۇلتتىق بانكى اراسىنداعى ىنتىماقتاستىقتى ودان ءارى دامىتۋ ماسەلەلەرى تالقىلاندى. بۇل تۋرالى اقوردانىڭ باسپا ءسوز قىزمەتى حابارلادى.
قاسىم-جومارت توقايەۆ شۆەيتساريالىق ماماندار قازاقستاننىڭ ۇلتتىق بانكىنە تاۋەكەلدەردى باسقارۋ جانە تولەم جۇيەلەرى سەكىلدى باعىتتار بويىنشا تەحنيكالىق كومەك كورسەتەتىنىن اتاپ ءوتىپ، ولاردىڭ قىزمەتىنە جوعارى باعا بەردى.
ءوز كەزەگىندە مارتين شلەگەل قازاقستان مەن شۆەيتساريا ۇلتتىق بانكتەرى اراسىندا اقشا-كرەديت ساياساتى جانە سيفرلىق قارجى سالالارىنداعى ديالوگتى جولعا قويىپ، ءوزارا ىقپالداستىق اياسىن كەڭەيتۋگە نيەتتى ەكەنىن جەتكىزدى.
سونىمەن قاتار اڭگىمەلەسۋ بارىسىندا ۆاليۋتا نارىعىن نىعايتۋ، ۇلتتىق ۆاليۋتالارعا سەنىمدى كۇشەيتۋ شارالارى جانە سيفرلىق اكتيۆتەردى دامىتۋ ماسەلەلەرى قاراستىرىلدى.
ايتا كەتەلىك قاسىم-جومارت توقايەۆ دونالد ترامپتىڭ حاتىنا جاۋاپ جولداعان ەدى.