مەملەكەت باسشىسى ش ى ۇ باس حاتشىسى نۇرلان ەرمەكبايەۆتى قابىلدادى
13:05, 01 - شىلدە 2025
استانا. KAZINFORM - كەزدەسۋدە ش ى ۇ اياسىنداعى ىقپالداستىقتى ودان ءارى دامىتۋ پەرسپەكتيۆاسى تالقىلاندى. بۇل تۋرالى اقوردانىڭ باسپا ءسوز قىزمەتى حابارلادى.
قاسىم-جومارت توقايەۆتىڭ ايتۋىنشا، قازاقستان شانحاي ىنتىماقتاستىق ۇيىمىنىڭ ءتيىمدى ءارى تەڭگەرىمدى حالىقارالىق ۇيىم رەتىندەگى ءرولىن نىعايتۋعا باسا ءمان بەرەدى. بۇل قازىرگى الەمدىك ساياساتتاعى سىن-قاتەرلەرگە جەدەل ءۇن قاتۋعا ىقپال ەتەدى.
پرەزيدەنت قىتايدىڭ ش ى ۇ-عا ءتوراعالىعىن جوعارى باعالاپ، ۇيىم تەتىكتەرىن جەتىلدىرۋگە قولداۋ كورسەتەتىنىن ايتتى. بۇدان بولەك، قازاقستاننىڭ ۇيىم اياسىندا ۇسىنعان باستى باستامالارىن ىسكە اسىرۋ جولدارى قارالدى.
ايتا كەتەيىك، قازاقستان قورعانىس ءمينيسترى ش ى ۇ كەڭەسىنە قاتىستى.