قاسىم-جومارت توقايەۆ امەريكالىق Goldman Sachs جەتەكشى ينۆەستيتسيالىق بانكىنىڭ قازاقستان ۇلتتىق بانكىمەن ۇزاق مەرزىمدى سەرىكتەستىك ورناتقانىن اتاپ ءوتىپ، ىقپالداستىق دەڭگەيىنە جوعارى باعا بەردى.
مەملەكەت باسشىسىنىڭ ايتۋىنشا، تولىق سيفرلىق مەملەكەتكە اينالۋدى كوزدەيتىن قازاقستان جاساندى ينتەللەكت، قارجى ەكوجۇيەسىن سيفرلاندىرۋ سالالارىنداعى ىنتىماقتاستىققا قىزىعۋشىلىق تانىتادى.
ال دجارەد كوەن Goldman Sachs Digital Asset Platform سيفرلىق قارجى تۇعىرناماسىنىڭ تاجىريبەسىنە توقتالدى.
ەسكە سالا كەتەيىك، بۇعان دەيىن مەملەكەت باسشىسىنىڭ Cameco كورپوراتسياسىنىڭ پرەزيدەنتى تيم گيتتسەلدى قابىلداعانىن جازعان ەدىك.
مۇنىڭ الدىندا پرەزيدەنت قاسىم-جومارت توقايەۆتىڭ نيۋ-يورككە جۇمىس ساپارى باستالعانىن حابارلادىق.