مەملەكەت باسشىسى دانيانىڭ جاڭادان تاققا وتىرعان كورولىن قۇتتىقتادى
پرەزيدەنت قاسىم-جومارت توقايەۆ دانيانىڭ جاڭادان تاققا وتىرعان كورولى X فرەدەريكتى قۇتتىقتاپ، جەدەلحات جولدادى، دەپ حابارلايدى Kazinform اقوردانىڭ باسپا ءسوز قىزمەتىنە سىلتەمە جاساپ.
«ءسىزدىڭ باسشىلىعىڭىزبەن دانيا ءوزىنىڭ ورنىقتى دامۋىن، حالقىنىڭ ءال-اۋقاتىن ەسەلەپ، حالىقارالىق ارەناداعى بەدەلىن ارتتىرۋ جولىنداعى يگى ىستەردى جالعاستىرا بەرەتىنىنە كامىل سەنەمىن. قازاقستان مەن دانيا اراسىنداعى دوستىق پەن ءوزارا قولداۋعا نەگىزدەلگەن جان- جاقتى ىنتىماقتاستىق بىرلەسكەن كۇش- جىگەرىمىزدىڭ ارقاسىندا الداعى ۋاقىتتا دا نىعايا تۇسەتىنىنە ءۇمىتىم زور»، - دەپ جازىلعان جەدەلحاتتا.
سونىمەن قاتار پرەزيدەنت قاسىم-جومارت توقايەۆ پاتشايىم لاۋازىمىنان مەرزىمىنەن بۇرىن ءوز ەركىمەن كەتىپ، تاق مۇراگەرى فرەدەريك حانزادانى دانيا كورولى رەتىندە جاريالاعان II مارگرەتەگە دە جەدەلحات جولدادى.
مەملەكەت باسشىسى قازاقستان مەن دانيا اراسىنداعى ىنتىماقتاستىقتى دامىتۋعا سۇبەلى ۇلەس قوسقانى ءۇشىن II مارگرەتەگە ريزاشىلىعىن ءبىلدىردى.