مەملەكەت باسشىسى ب ر ي ك س سامميتىنە قاتىسۋشىلارمەن ءبىرقاتار كەزدەسۋ وتكىزدى

قازان. KAZINFORM - بۇل تۋرالى اقوردانىڭ باسپا ءسوز قىزمەتى حابارلادى.

قاسىم-جومارت توقايەۆ قازان قالاسىندا ءوتىپ جاتقان ب ر ي ك س-تىڭ XVI سامميتى اياسىندا ق ح ر ءتوراعاسى شي جينپيڭمەن، ازەربايجان پرەزيدەنتى يلحام اليەۆپەن، مىسىر پرەزيدەنتى ابدەل فاتتاح اس-سيسيمەن، لاوس پرەزيدەنتى تحونگلۋن سيسۋليتپەن، كونگو پرەزيدەنتى دەني ساسسۋ-نگەسسومەن جانە ۆەتنام پرەمەر-ءمينيسترى فام مين چينمەن كەزدەسىپ، از-كەم اڭگىمەلەستى.

فوتو: اقوردا

فوتو: اقوردا

وسىعان دەيىن قاسىم-جومارت توقايەۆتىڭ ب ر ي ك س-تىڭ XVI سامميتى ءوتىپ جاتقان «قازان ەكسپو» حالىقارالىق كورمە ورتالىعىنا بارعانىن حابارلادىق.

قاسىم-جومارت توقايەۆتى رەسەي پرەزيدەنتى ۆلاديمير پۋتين قارسى الدى.

ايتا كەتەيىك، ق ر پرەزيدەنتى قاسىم-جومارت توقايەۆ رەسەي فەدەراتسياسىنىڭ پرەزيدەنتى ۆلاديمير پۋتيننىڭ شاقىرۋىمەن ب ر ي ك س-كە مۇشە مەملەكەتتەر باسشىلارىنىڭ XVI سامميتىنە قاتىسۋ ءۇشىن قازان قالاسىنا جۇمىس ساپارىمەن باردى.

ساپار اياسىندا قازاقستان پرەزيدەنتى ەكىجاقتى كەزدەسۋلەر وتكىزىپ، ب ر ي ك س-تىڭ «اۋتريچ» /«ب ر ي ك س+» فورماتىنداعى پلەنارلىق وتىرىسىندا ءسوز سويلەيدى.

ايتا كەتەيىك،  ب ر ي ك س - برازيليا، رەسەي، ءۇندىستان، قىتاي جانە وڭتۇستىك افريكانىڭ قىسقارتىلعان ءسوزى.  ب ر ي ك س ( اعىل. BRICS) - توعىز مەملەكەتتىڭ بىرلەستىگى: برازيليا ، رەسەي ، ءۇندىستان ، قىتاي ، وڭتۇستىك افريكا ، ب ا ءا ، يران ، ەگيپەت جانە ەفيوپيا، 2006 -جىلى ماۋسىمدا قۇرىلعان.