استانا. KAZINFORM - قاسىم-جومارت توقايەۆ يلحام اليەۆتى جانە ازەربايجان حالقىن ۇلتتىق مەرەكەسى - تاۋەلسىزدىك كۇنىمەن قۇتتىقتادى، دەپ حابارلايدى اقوردانىڭ باسپا ءسوز قىزمەتى.
- سان عاسىرلىق دوستىققا نەگىزدەلگەن قازاق-ازەربايجان قارىم-قاتىناسى شىنايى ستراتەگيالىق سەرىكتەستىك پەن وداقتاستىق رۋحىندا دامىپ كەلە جاتقانى قۋانتادى. بىرلەسكەن كۇش-جىگەرىمىز ارقىلى جەتىستىكتەرىمىزدى ەسەلەپ، سان قىرلى مەملەكەتارالىق ىنتىماقتاستىقتى جاڭا بەلەسكە شىعاراتىنىمىزعا سەنىمدىمىن، - دەپ جازىلعان جەدەلحاتتا.
قاسىم-جومارت توقايەۆ يلحام اليەۆتىڭ جاۋاپتى مەملەكەتتىك قىزمەتىنە تابىس، ال باۋىرلاس ازەربايجان حالقىنا باق-بەرەكە تىلەدى.
وسىعان دەيىن مەملەكەت باسشىسى گرۋزيا پرەزيدەنتىن تاۋەلسىزدىك كۇنىمەن قۇتتىقتاعان بولاتىن.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.