مەملەكەت باسشىسى ازەربايجان پرەزيدەنتىمەن كەلىسسوز جۇرگىزدى

 باكۋ. KAZINFORM - قاسىم-جومارت توقايەۆ يلحام اليەۆتى ازەربايجان پرەزيدەنتى سايلاۋىنداعى ايقىن جەڭىسىمەن جانە بيىل باكۋدە СОР 29-ءسامميتىن وتكىزۋ مۇمكىندىگىنە يە بولۋىمەن قۇتتىقتادى.

پرەزيدەنت قازاقستان مەن ازەربايجان ىنتىماقتاستىعىنىڭ مازمۇنى بايىپ، بىرلەسكەن ءىرى جوبالارمەن تولىعا تۇسكەنىن جانە قارقىندى دامىپ كەلە جاتقانىن جوعارى باعالادى.

ازەربايجان پرەزيدەنتى قازاقستانمەن اراداعى باۋىرلاستىق بايلانىستاردىڭ بەكي تۇسكەنىن ايتتى.

كەلىسسوز بارىسىندا تاراپتار ساۋدا-ەكونوميكالىق، كولىك-ترانزيتتىك، ەنەرگەتيكالىق، مادەني-گۋمانيتارلىق ىنتىماقتاستىق، سونداي- اق سيفرلاندىرۋ، ازىق- تۇلىك قاۋىپسىزدىگى جانە جاڭارتىلاتىن ەنەرگيا كوزدەرى سالالارىنداعى ىقپالداستىق ماسەلەلەرىن تالقىلادى.

سونىمەن قاتار ەكى ەل ەكونوميكاسىنىڭ دامۋىنا تىڭ سەرپىن بەرەتىن ينۆەستيتسيالىق جوبالاردى ىسكە اسىرۋ پەرسپەكتيۆاسى قاراستىرىلدى.