مەملەكەت باسشىسى استاناداعى ا و س ش ك شتاب-پاتەرىنىڭ اشىلۋ راسىمىنە قاتىستى
18:15, 02 - شىلدە 2025
استانا. KAZINFORM - پرەزيدەنت ەلوردادا ازياداعى ءوزارا ءىس-قيمىل جانە سەنىم شارالارى كەڭەسى (ا و س ش ك) شتاب-پاتەرىنىڭ اشىلۋ راسىمىنە قاتىستى.
قاسىم-جومارت توقايەۆ پەن ا و س ش ك باس حاتشىسى قايرات سارىباي ۇيىمنىڭ نەگىزگى كەڭسەسىندەگى ەسكەرتكىش تاقتانى سالتاناتتى تۇردە اشتى. سودان كەيىن قۇرمەت قاراۋىلى روتاسى ا و س ش ك تۋىن كوتەردى.
مەملەكەت باسشىسى جاڭا شتاب-پاتەردەگى جۇمىس كابينەتتەرىن، open space اۋماعىن، اۋدارماشىلار كەڭسەسىن، ءتوراعالىق زالىن جانە مۋزەي-كىتاپحانا بولمەلەرىن ارالاپ كوردى.