كەزدەسۋ بارىسىندا ساۋدا- ەكونوميكالىق ىقپالداستىق ماسەلەلەرى قاراستىرىلدى. قازاقستان پرەزيدەنتى ەلىمىزدە ينۆەستيتسيا تارتۋ، ەكونوميكانى ىرىقتاندىرۋ جانە ونەركاسىپتى دامىتۋ ىسىنە ەرەكشە نازار اۋدارىلىپ وتىرعانىن مالىمدەدى. قاسىم-جومارت توقايەۆتىڭ ايتۋىنشا، ەنەرگەتيكا، پايدالى قازبالاردى بارلاۋ ءارى وڭدەۋ، ينفراقۇرىلىمدى جاڭعىرتۋ جانە باسقا دا سالالار قازاق- امەريكان قارىم-قاتىناستارىنىڭ نەگىزگى باعىتتارى سانالادى.
سونداي-اق حالىقارالىق جانە وڭىرلىك قاۋىپسىزدىك ماسەلەسىنە باسا ءمان بەرىلدى.
بۇل رەتتە پرەزيدەنت ماسكەۋ وبلىسىنداعى لاڭكەستىك ارەكەتتى قازاقستان الەمدە العاشقىلاردىڭ ءبىرى بولىپ قاتاڭ ايىپتاعانىن جانە وسىنداي قيىن-قىستاۋ كەزەڭدە رەسەيمەن بىرگە ەكەنىن اتاپ ءوتتى.
قاسىم-جومارت توقايەۆتىڭ پىكىرىنشە، بارلىق ەل تەرروريزمگە قارسى كۇرەستە ءوزارا قارىم-قاتىناستارىنداعى قايشىلىقتارعا قاراماستان، ۇلكەن حالىقارالىق كواليتسيا اياسىندا كۇش بىرىكتىرۋگە ءتيىس. قازاقستان وسى ماڭىزدى ىسكە ءوز ۇلەسىن قوسۋعا دايىن.