مەملەكەت 6 ايدا وتاندىق فارماتسيەۆتەردەن 26,5 ميلليارد تەڭگەنىڭ ءدارىسىن ساتىپ العان
استانا. KAZINFORM - ەلدەگى ءدارى-دارمەك ءوندىرىسىنىڭ كولەمى ءبىر جىلدىڭ ىشىندە 14,5 پايىز ارتقان. بۇل جايىندا دەنساۋلىق ساقتاۋ ءمينيسترى اقمارال ءالنازاروۆا ۇكىمەت وتىرىسىندا ايتتى.
«دارىلىك زاتتار مەن مەديتسينالىق بۇيىمداردى ساتىپ الۋ كەزىندە وتاندىق وندىرۋشىلەرگە باسىم تۇردە قولايلى جاعدايلار جاسالدى. وسىنىڭ ناتيجەسىندە، جىلدىڭ 6-ايىندا 29,5 ميلليارد تەڭگە سوماسىنا 196 ءتۇرلى دارىلىك زات جەتكىزىلدى»، - دەدى اقمارال ءالنازاروۆا.
ءمينيستردىڭ سوزىنشە، ءبىرىنشى جارتىجىلدىقتا وتاندىق فارماتسيەۆتيكالىق ءوندىرىس كولەمى 95 ميلليارد تەڭگە بولىپ، بىلتىرعىمەن سالىستىرعاندا % 14,5 ارتقان.
«بۇگىنگى تاڭدا 35 وتاندىق وندىرۋشىمەن 4 مىڭعا جۋىق فارماتسيەۆتيكالىق ءونىمدى جەتكىزۋ تۋرالى 94 ۇزاق مەرزىمدى شارتتار جاسالدى. جىلدىڭ سوڭىنا دەيىن قالعان 24 وتاندىق وندىرۋشىمەن ۇزاق مەرزىمدى شارت جاساۋ ارقىلى 1412 ءتۇرلى دارىلىك زات پەن مەديتسينالىق بۇيىم ساتىپ الۋ جوسپارلانعان»، - دەدى ۆەدومستۆو باسشىسى.
اۆتور
ەسىمجان ناقتىباي