قۋات حاميتوۆ MMA تۋرنيرىندە جەڭىلىپ قالدى
12:59, 18 - جەلتوقسان 2021
نۇر- سۇلتان. قازاقپارات - اتىراۋدا وتكەن تۋرنيردە قازاقستاندىق MMA شەبەرى قۋات حاميتوۆ (23-7-2) جاراقات الىپ، جەڭىلىس تاپتى، دەپ حابارلايدى قازاقپارات Sports.kz سايتىنا سىلتەمە جاساپ.
ول گرەپپلينگ بويىنشا ءوزىنىڭ وتانداسى نۇربەرگەن شارىپوۆپەن (10-3) جەكپە-جەككە شىقتى.
ايقاس بارىسىندا ەكى بوكسشى كەزەك-كەزەك جەڭىسكە جەتىپ وتىردى.
الايدا حاميتوۆ جاراقات العاندىقتان، ءۇشىنشى راۋندتا ايقاستى توقتاتۋدى سۇرادى.
ودان كەيىن «نايمان» الاڭعا ورالىپ، جەكپە-جەكتى جالعاستىرىپ كوردى. ءبىراق جاراقاتى سالدارىنان سايىستى توقتاتىپ، جەڭىلىستى مويىنداۋىنا تۋرا كەلدى.