مەكتەپتەردە ۇلتتىق كيىمگە اقشا جيناۋ زاڭدى ما

استانا. KAZINFORM - وقۋ-اعارتۋ ءمينيسترى عاني بەيسەمبايەۆ مەكتەپتەردە ۇلتتىق كيىم كيۋ باستامالارى تۋرالى پىكىر ءبىلدىردى.

ۇكىمەت وتىرىسىنان كەيىن وتكەن باسپا ءسوز ءماسليحاتىندا استاناداعى № 60 مەكتەپتىڭ اتا-انالارى اكىمشىلىك جۇما كۇندەرى كيۋ ءۇشىن بالالارعا ۇلتتىق كيىم الۋعا ماجبۇرلەپ جاتقانى تۋرالى شاعىمدار تۇسكەن ايتىلدى. جۋرناليست سۇراعىنا جاۋاپ بەرگەن مينيستر بۇل ەرىكتى تۇردە، ۇجىم بولىپ قابىلداعان شەشىم ەكەنىن ايتادى.

-«ءبىرتۇتاس تاربيە» اتتى تاربيە جۇمىستارىنىڭ اياسىندا ءبىلىم بەرۋ ۇيىمدارىندا اتا-انالار كوميتەتىنىڭ شەشىمىمەن شەشىم قابىلدانادى. ول تۋرالى ماعان دا اقپارات بەرىلىپ وتىرادى. مەن ونداي شەشىمنىڭ ەرىكتى تۇردە جاسىرىن نيەتسىز-اق قابىلدانعانىنا كوز جەتكىزۋ ءۇشىن اتا-انالارمەن كەزدەستىم. الايدا بۇل مينيسترلىك بۇيرىعىمەن قابىلدانعان زاڭعا قايشى بولماۋ كەرەك، - دەدى عاني بەيسەمبايەۆ.

سونداي- اق، مينيستر مەكتەپتە ۇلتتىق كيىممەن جۇرۋگە ەشقانداي شەكتەۋ جوق ەكەنىن اتاپ ءوتتى.

ايتا كەتۋ كەرەك، ەلىمىزدە مەكتەپكە ارنالعان كيىمگە قويىلاتىن بارلىق تالاپ كەدەن وداعىنىڭ تەحنيكالىق رەگلامەنتىنە سايكەس رەتتەلەدى.

ەسىمجان ناقتىباي

اۆتور