استانا. KAZINFORM - مەكسيكانىڭ اسكەري تەڭىز فلوتىنىڭ بولىمشەلەرى ميچواكان مەن گەررەرو شتاتتارىندا جالپى سالماعى 8361 كەلى بولاتىن ەسىرتكى تيىلگەن قايىقتاردى ۇستادى. سونداي-اق تاعى 23 ادام تۇتقىندالدى، دەپ حابارلايدى اسكەري تەڭىز كۇشتەرى.
«اسكەري تەڭىز پەرسونالى 8361 كەلى زاڭسىز جۇك تاركىلەدى. بۇل تەڭىز وپەراتسياسى كەزىندە تاركىلەنگەن ەڭ ءىرى كولەمدەگى ەسىرتكى، مەكەمە تاريحىندا مۇنداي جاعداي بۇرىن- سوڭدى بولماعان»، - دەلىنگەن مينيسترلىكتىڭ سايتىندا.
سونداي-اق وندا ەسىرتكى مەن وتىن تيەلگەن جىلدام جۇزەتىن كاتەرلەر ميچواكان مەن گەررەرو شتاتتارىنىڭ جاعالاۋىندا كەمەلەر مەن تەڭىز اۆياتسياسىنىڭ كومەگىمەن قولعا تۇسىرىلگەنى حابارلاندى.
ەسىرتكى تيىلگەن قايىقتاردا وتىرعاندار قۋعىن كەزىندە قاپتاردى سۋعا لاقتىرىپ، قىلمىستارىنىڭ ءىزىن جاسىرماق بولعان. بارلىعى 23 ادام ۇستالدى.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.