ەمحانالاردا ناۋقاستار ءۇشىن بيومەتريالىق تەكسەرىس جۇيەسى ەنگىزىلدى

استانا. قازاقپارات - ەمحاناعا قارالاتىن ناۋقاستار ءۇشىن بيومەتريالىق تەكسەرىس جۇيەسى ەنگىزىلدى، دەپ حابارلايدى 24KZ.

دارىگەر قابىلداۋىنا كەلگەن ءار ناۋقاس Face ID جانە ۆەب- كامەرا كومەگىمەن راستالادى. مۇنداي جۇيە ناۋقاستىڭ ەمحاناعا كەلگەن، كەلمەگەنىن، سونداي-اق دارىگەرگە قارالعان، قارالماعانىن كورسەتەدى. ياعني، جالعان ەسەپتەۋ بولمايدى جانە بيۋدجەت قاراجاتى مەن ساقتاندىرىلعان ازاماتتار جارنالارىنىڭ ماقساتسىز جۇمسالۋىنا جول بەرمەيدى.

جوبا ازىرگە پيلوتتىق رەجيمدە جۇمىس ىستەيدى. جىل سوڭىنا دەيىن وسىنداي جۇيە ەلورداداعى 48 ەمحانادا ىسكە قوسىلادى. دەنساۋلىق ساقتاۋ مينيسترلىگى كەلەر جىلدان باستاپ رەسپۋبليكانىڭ بارلىق ەمحانالارىنا ەنگىزبەك.

جانسايا قاليلايەۆا، رەسپۋبليكالىق العاشقى كومەك كورسەتۋ ورتالىعى پروفيلاكتيكا ءبولىمىنىڭ مەڭگەرۋشىسى:

- تامىز ايىنىڭ اياعىنان باستاپ ەڭ العاش رەت ءبىزدىڭ ورتالىققا Face ID ەنگىزدى. Face ID كومەگىمەن ءبىز ناۋقاس ناقتى تۇردە قابىلداۋدا بولدى ما، بولمادى ما، سونى انىقتايدى. Face ID بولعاندىقتان، ناۋقاس مەن قابىلداۋدا بولعانىم جوق دەپ ايتا المايدى. بۇل «پريپيسكا» دەپ. ويتكەنى سۋرەتكە تۇسىرىلەدى. سۋرەتكە ءتۇسىرىپ، راستالعاننان كەيىن زاپيس تۇسىرىلەدى.

ابىلاي جارىلقاسىن، استانا قالاسىنىڭ تۇرعىنى:

- قازىرگى تاڭدا سيفرلاندىرۋ جۇيەسى قارقىندى دامىپ كەلەدى. سول سەبەپتى ءبىز وندايعا ۇيرەنىپ قالدىق. Face ID ادامنىڭ جەكە باسىن كۋالاندىراتىن جۇيە بولىپ تابىلادى عوي قازىر. سول سەبەپتى ەشقانداي ىڭعايسىزدىق تۋدىرمايدى. كەرىسىنشە، ءتيىمدى دەپ ويلايمىن.

24.kz