قىزىلوردا. KAZINFORM - قىزىلوردا قالاسىنىڭ №2-سوتى سوتتالۋشىنىڭ مەديتسينا قىزمەتكەرىنىڭ دەنساۋلىعىنا قاساقانا جەڭىل تۇردە زيان كەلتىرگەنىنە بايلانىستى قىلمىستىق ءىستى قارادى. بۇل تۋرالى وبلىستىق سوتتىڭ باسپا ءسوز قىزمەتى حابارلادى.
ءىس قۇجاتتارىنا قاراعاندا، جابىرلەنۋشى دارىگەرلىك امبۋلاتورياداعى كابينەتىندە ناۋقاس قابىلداپ وتىرعان.
- ول وسى كەزدە كابينەتكە كىرىپ كەلىپ، جانجال شىعارعان. جابىرلەنۋشى كەزەكپەن كىرۋدى تالاپ ەتكەن ۋاقىتتا سوتتالۋشى ونىڭ جاعاسىنان ۇستاپ، جۇدىرىعىمەن سوققى جاساپ، دەنساۋلىعىنا جەڭىل تۇردە زيان كەلتىرگەن، - دەلىنگەن حابارلامادا.
سوت وتىرىسىنىڭ قورىتىندىسىنا سايكەس، سوتتالۋشى قىلمىستىق كودەكستىڭ 108-1-بابى 2-بولىگىنىڭ 2-تارماعىمەن كىنالى دەپ تانىلدى. وعان 1 جىل مەرزىمگە باس بوستاندىعىن شەكتەۋ جازاسى تاعايىندالدى.
اۆتور
نازەركە سانيازوۆا
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан