مۇحاممەدسابىر شيرەك فينالعا شىقتى
09:04, 30 - شىلدە 2024
استانا. KAZINFORM - پاريج وليمپياداسىندا 63,5 كەلىگە دەيىنگى سالماقتا ونەر كورسەتىپ جاتقان بوكسشىمىز مۇحاممەدسابىر بازارباي ۇلى ەكىنشى كەزدەسۋىندە دە جەڭىسكە جەتىپ، شيرەك فينالعا شىقتى.
1/8 فينالدا جەرلەسىمىز 2022 -جىلعى ازيا ويىندارىنىڭ كۇمىس جۇلدەگەرى تايبەيلىك لاي جۋەنمەن جەكپە-جەك وتكىزدى.
العاشقى راۋندا ناتيجە شامالاس بولىپ، 3:2-مەن مۇحاممەدسابىر باسىم ءتۇستى. ەكىنشى راۋندتا دا ءدال وسى ناتيجەمەن قازاقستاندىق بوكسشى الدا بولدى.
شەشۋشى ءۇشىنشى راۋندا ەكى بوكسشى دا بارىن سالدى، الايدا تورەشىلەر باسىمدىقتى ءبىزدىڭ سپورتشىعا بەردى.
ايتا كەتەيىك، وليمپياداداعى العاشقى جەكپە-جەگىندە مۇحاممەدسابىر بازارباي ۇلى يسپانيالىق ويەر يبارەچچەنى جارىس جولىنان تايدىرعان ەدى.
اۆتور
كۇنسۇلتان وتارباي