مەديتسينا ماماندارىنىڭ جاساندى زەيىنمەن جۇمىس ىستەۋ ستاندارتى ەنگىزىلۋى مۇمكىن
ەلىمىزدە قازاقستاندا مەديتسينا ماماندارىنىڭ جاساندى زەيىنمەن جۇمىس ىستەۋىن رەتتەيتىن كاسىبي ستاندارت ەنگىزىلۋى مۇمكىن، دەپ حابارلايدى Kazinform اگەنتتىگى.
بۇل تۋرالى دەنساۋلىق ساقتاۋ ۆيتسە- ءمينيسترى بەيبىت ەسەنبايەۆ «HR جانە تسيفرلىق تەحنولوگيالار گارمونياسى: ۇزدىك كوماندالارعا ارنالعان يننوۆاتسيالار» اتتى كونفەرەنتسيادا ءمالىم ەتتى.
«بۇگىنگى تاڭدا مەديتسينا ماماندارىنا جاساندى زەيىن قۇرالدارىن، سيفرلىق تەحنولوگيالاردى جۇمىسىندا پايدالانا ءبىلۋ كەرەك. جاساندى زەيىن ءدال وسى دەنساۋلىق ساقتاۋ سالاسىندا ۇلكەن سەرپىن تۋىنداتىپ جاتىر. بۇل مەديتسينا قىزمەتشىلەرىنىڭ جاڭا بۋىنىن قالىپتاستىرۋداعى باسىم باعىتقا اينالىپ وتىر. قازىر مەديتسينالىق جوعارى وقۋ ورىندارىندا ءبىلىم الىپ جاتقان ستۋدەنتتەر كاسىبي بىلىكپەن قاتار جاساندى زەيىننىڭ قۇرالدارىن مەڭگەرىپ، تسيفرلىق تەحنولوگيالاردى ءبىلىپ شىعۋى كەرەك»، - دەدى ۆيتسە- مينيستر.
ونىڭ سوزىنشە، جاڭا تەحنولوگيالار مەن ترەندتەردىڭ پايدا بولۋى مەديتسينا ماماندارىن دايىنداۋ ءىسىن دە وزگەرىسكە ۇشىراتىپ جاتىر. سونىڭ اسەرىنەن مەديتسينامەن جاپسارلاس سالالاردى قامتيتىن ارالاس ماماندىقتار پايدا بولىپ جاتىر.
«وزدەرىڭىز بىلەسىزدەر، IT مەديتسيناداعى وقۋ باعدارلاماسى تەحنيكالىق ۋنيۆەرسيتەتتەرمەن قاناتتاسىپ جۇمىس ىستەۋگە باعىتتالعان. ياعني مەديتسينا ستۋدەنتتەرى تەحنيكالىق وقۋ ورىندارىندا قاتار ءبىلىم الىپ ءجۇر. ول ستۋدەنتتەر قازىرگى زامان تالاپتارىنا توتەپ بەرىپ جۇمىس ىستەي الادى. بۇعان دەيىن مەملەكەتتىك قىزمەتكە كومپيۋتەرمەن جۇمىس ىستەي الاتىن ادامداردى عانا قابىلدايتىن تاجريبە بولعان. ال ءقازىر مەديتسينا سالاسىنىڭ قىزمەتكەرلەرىن تەك كومپيۋتەر قولدانۋدى بىلگەنى ءۇشىن عانا ەمەس، مەديتسينالىق اقپارات جۇيەلەرىن، جاساندى زەيىندى قولدانا العانى ءۇشىن قابىلدايدى. سوندىقتان وسى سالادا كاسىبي ستاندارت دايىندايتىن كەز كەلدى. ونىڭ ىشىندە ءىت مەديتسينادا دا»، - دەدى بەيبىت ەسەنبايەۆ.