مۇعالىمدەرگە تاعى ءبىر مىندەت جۇكتەلەدى

استانا. قازاقپارات - وقۋ-اعارتۋ مينيسترلىگى پەداگوگ لاۋازىمدارىنىڭ ۇلگىلىك بىلىكتىلىك سيپاتتامالارىنا تولىقتىرۋ دايىندادى، دەپ حابارلايدى BAQ. KZ.

اتاپ ايتقاندا، بارلىق ماماندىق مۇعالىمدەرىنىڭ لاۋازىمدىق مىندەتتەرىنە:

ورتا ءبىلىم بەرۋ ۇيىمدارىندا ءدىني ەكسترەميزمنىڭ الدىن الۋدى جۇزەگە اسىرۋ،

ءبىلىم الۋشىلار، تاربيەلەنۋشىلەر، پەداگوگتار جانە باسقا دا قىزمەتكەرلەرگە رۋحاني-ادامگەرشىلىك قۇندىلىقتاردى ءسىڭىرۋ كىرەدى.

سونىمەن قاتار مۇعالىمدەر باسقا زاڭدارمەن قاتار «ەكسترەميزمگە قارسى ءىس-قيمىل تۋرالى» زاڭدى ءبىلۋى كەرەك.

بۇيرىق جوباسى «كامەلەتكە تولماعاندار اراسىندا ەكسترەميزم مەن تەرروريزمنىڭ الدىن الۋ جونىندەگى 2024 - 2026 -جىلدارعا ارنالعان جول كارتاسىنىڭ» 1-تارماعىن، ياعني ورتا ءبىلىم بەرۋ ۇيىمدارىندا مەكتەپ ديرەكتورلارىنىڭ ورىنباسارلارىنا، ادىستەمەلىك ورتالىقتار باسشىسىنىڭ ورىنباسارلارىنا، تەحنيكالىق جانە كاسىپتىك، ورتا بىلىمنەن كەيىنگى ۇيىمداردىڭ جاستار جونىندەگى ينسپەكتورلارىنا ءدىني ەكسترەميزمنىڭ الدىن الۋ جونىندەگى مىندەتتەردى بەرۋ بولىگىندە ماسەلەلەردى پىسىقتاۋدى، رۋحاني-ادامگەرشىلىك قۇندىلىقتاردى، تولەرانتتىلىقتى، سونداي-اق ەكسترەميزمنىڭ الدىن الۋ بويىنشا پەداگوگيكالىق قىزمەتتىڭ ءتۇرىن ۇيىمداستىرۋدى ىسكە اسىرۋعا باعىتتالعان.

ورتا ءبىلىم بەرۋ ۇيىمدارىندا مەكتەپ ديرەكتورلارىنىڭ ورىنباسارلارىنا، بارلىق ماماندىقتىڭ ءپان مۇعالىمدەرىنە، ادىستەمەلىك ورتالىقتار باسشىسىنىڭ ورىنباسارلارىنا، تەحنيكالىق جانە كاسىپتىك، ورتا بىلىمنەن كەيىنگى ۇيىمداردىڭ جاستار جونىندەگى ينسپەكتورلارىنا ورتا ءبىلىم بەرۋ ۇيىمدارىندا ءدىني ەكسترەميزمنىڭ الدىن الۋ، رۋحاني-ادامگەرشىلىك قۇندىلىقتاردى ءسىڭىرۋ بويىنشا مىندەتتەر جۇكتەلەدى، سونداي-اق «ەكسترەميزمگە قارسى ءىس-قيمىل تۋرالى» زاڭدى ءبىلۋ تالابىمەن بىلىكتىلىك سيپاتتامالارى كۇشەيتىلەدى، - دەلىنگەن قۇجاتتا.

بۇيرىقتىڭ جوباسى 29-شىلدەگە دەيىن جاريا تالقىلاۋ ءۇشىن «اشىق ن ق ا» سايتىندا ورنالاستىرىلعان.