استانا. KAZINFORM - ادىلەت ءمينيسترى ەرلان سارسەمبايەۆ ۇكىمەت وتىرىسىنان كەيىن وتكەن باسپا ءسوز ءماسليحاتىندا مايىتكە كەسكىلەمەي ساراپتاما جاساۋ قالاي جۇرگىزىلەتىنىن ءتۇسىندىردى.
- قايتىس بولعان ادام مايىتىنە كومپيۋتەرلىك توموگرافيا ارقىلى ساراپتاما جاساۋ كوزدەلىپ وتىر. ەگەر ۆيرتۋالدى اۋتوپسيا كۇش قولدانۋدان كەلگەن ءولىم بەلگىلەرىن انىقتاماسا، ءمايىتتى سويۋعا قاجەتتىلىك بولماۋى مۇمكىن. ال كۇش قولدانۋدان نەمەسە وزگە دە سىرتقى اسەردەن كەلگەن ءولىم بەلگىلەرى انىقتالسا، قىلمىستىق قۋدالاۋ ورگانىنىڭ قاۋلىسى بويىنشا ءمايىتتى كەسۋ شاراسى تاعايىندالادى دا، ماسەلە ناقتى جاعدايعا قاراي شەشىلەدى، - دەدى ەرلان سارسەمبايەۆ.
ايتا كەتەيىك، بۇگىن وتكەن ۇكىمەت وتىرىسىندا مينيستر ۆيرتۋالدى اۋتوپسيا تەحنولوگياسىن قولدانۋدى ۇسىندى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.