ماگيستراتۋرا بويىنشا ءبىلىم گرانتتارى يەگەرلەرىنىڭ ءتىزىمى جاريالاندى. مەملەكەتتىك گرانتتار رەسپۋبليكالىق كوميسسيا وتىرىسىنىڭ قورىتىندىسى بويىنشا تاعايىندالدى، دەپ حابارلايدى ق ر عىلىم جانە جوعارى ءبىلىم مينيسترلىگىنىڭ باسپا ءسوز قىزمەتى.
كوميسسيا قۇرامىندا مينيسترلىكتىڭ، مۇددەلى مەملەكەتتىك ورگانداردىڭ، بىلىم سالاسى كاسىپوداقتارىنىڭ، ق ر ۇلتتىق كاسىپكەرلەر پالاتاسى جانە قوعامدىق ۇيىم وكىلدەرى بولدى.
ءبىلىم بەرۋ گرانتتارى كەشەندى تەستىلەۋ (ك ت) ناتيجەلەرى بويىنشا كونكۋرستىق نەگىزدە تاعايىندالدى.
ماگيستراتۋرا بويىنشا ءبىلىم بەرۋ گرانتتارىن تاعايىنداۋ كونكۋرسىنا عىلىمي-پەداگوگيكالىق باعىت بويىنشا 75 بالدان، بەيىندىك باعىت بويىنشا 50 بالدان جوعارى جيناعان وقۋعا تۇسۋشىلەر قاتىستى. جالپى كونكۋرسقا 1677 ادام قاتىستى.
بولاشاق ماگيسترانتتاردىڭ ج ج و ك ب ۇ-نا قابىلداۋ 2023 -جىلعى 26-جەلتوقسان مەن 2024 -جىلعى 10-قاڭتار ارالىعىندا جۇرگىزىلەدى.
گرانت يەگەرلەرىنىڭ تىزىمىمەن مىنا سىلتەمە ارقىلى تانىسۋعا بولادى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан