مايقايىڭ التىن كەنىشىندەگى اپات: 6 ادام قاماۋعا الىندى

پاۆلودار. KAZINFORM - «مايقايىڭ التىن» ا ق- نىڭ بۇرىنعى باس ديرەكتورى قۋانىش بوتين جانە كاسىپورىنداعى وندىرىستىك ۋچاسكەلەردى باسقارۋ، ينجەنەرلىك قۇرامداعى بەس ادام ۋاقىتشا ۇستاۋ يزولياتورىنا قامالدى. سوت ولاردى ءۇيقاماقتا ۇستاۋ نەمەسە تۇرمەگە جابۋ تۋرالى شەشىم شىعارادى دەپ كۇتىلىپ وتىر.

«مايقايىڭ التىن» ا ق- نىڭ التىن كەنىشىندە ءتورت قۇتقارۋشىنىڭ ءومىرىن قيعان اپاتقا كىنالى تۇلعالار رەتىندە 6 ادام ۇستالدى. ولار - «مايقايىڭ التىن» ا ق- نىڭ بۇرىنعى باس ديرەكتورى قۋانىش بوتين جانە وندىرىستىك ۋچاسكەلەردى باسقارۋ، ينجەنەرلىك قۇرامداعى بەس ادام.

پاۆلودار وبلىستىق پوليتسيا دەپارتامەنتى اتالعان دەرەكتى راستادى.

- پاۆلودار وبلىسىنىڭ پوليتسياسى تاۋ- كەن جانە قۇرىلىس جۇمىستارىن جۇرگىزۋ كەزىندە قاۋىپسىزدىك ەرەجەلەرىن بۇزۋ فاكتىسى بويىنشا قىلمىستىق ءىستى تەرگەۋ شەڭبەرىندە «مايقايىڭ التىن» ا ق- نىڭ التى جاۋاپتى قىزمەتكەرى ۇستاپ، پاۆلودار قالالىق پوليسيا باسقارماسى ۋاقىتشا ۇستاۋ يزولياتورىنا قاماۋعا الىندى. تەرگەۋ امالدارى جالعاسىپ جاتىر،- دەپ مالىمدەدى دەپارتامەنتتىڭ باسپا ءسوز قىزمەتىنەن.

دەرەك كوزدەرىنە سۇيەنسەك، بۇرىنعى باس ديرەكتور قۋانىش بوتين ەكىباستۇزداعى ۇيىندە ۇستالعان.

ەسكە سالا كەتەيىك، 4-قاڭتاردا پاۆلودار وبلىسىنداعى مايقايىڭ التىن كەنىشىندە ىشىندە ادامدار بار اۆتوبۋس جەر استىنا ءتۇسىپ كەتتى.

اپات بولعان كۇنى وقيعا ورنىنان ەكى قۇتقارۋشىنىڭ مۇردەسى تابىلدى.

كەيىن قۇتقارۋشىلار توپىراقتىڭ ءجيى قوزعالۋىنا بايلانىستى جەر قازۋ جۇمىستارىن توقتاتتى.

ال مامىر ايىندا مايقايىڭ التىن كەنىشىندە قوس قۇتقارۋشىنى ىزدەۋ جۇمىستارى قايتا جانداندى.

19-شىلدەدە مايقايىڭدا التى ايدان سوڭ ءۇشىنشى قۇتقارۋشىنىڭ مۇردەسى تابىلعان ەدى.

25 شىلدە كۇنى مايقايىڭداعى ويىققا ءتۇسىپ كەتكەن اۆتوبۋس تابىلىپ، جەردىڭ استىنا ءتۇسىپ كەتكەن سوڭعى ادامنىڭ دەنەسى جوعارىعا شىعارىلدى.

كەيىن ەلوردا سوتى قۇتقارۋشىلاردىڭ ولىمىنە جۇمىس بەرۋشى تاراپ كىنالى دەپ تانىدى.

وپات بولعان ءبىر قۇتقارۋشىنىڭ وتباسى جۇمىس بەرۋشىدەن 120 ملن تەڭگە ءوندىرىپ الدى.