قازاقستان فۋتبول فەدەراتسياسىنىڭ پرەزيدەنتى ادىلەت بارمەنقۇلوۆ فۋتبول ۇيىندە قازاقستان ۇلتتىق قۇراماسىنىڭ جاتتىقتىرۋشىلار شتابىمەن كەزدەسۋ وتكىزدى.
«باس باپكەر ماگومەد ادييەۆ مۇنداي شەشىمدى وتباسىلىق جاعدايىنا بايلانىستى قابىلداعانىن العا تارتىپ، قىزمەتىنەن كەتتى. ق ف ف مۇنداي باعىتقا دا دايىن بولدى جانە كەلەسى اپتانىڭ باسىندا جاڭا باپكەردى تاڭدايدى»، - دەپ اتاپ ءوتتى فەدەراتسيادان.
قازاقستاندىق فۋتبولشىلار ەندى 7-مامىردا ارمەنيا، 10-ماۋسىمدا ءازربايجان قۇرامالارىمەن جولداستىق كەزدەسۋ وتكىزەدى.
ماگومەد اديەۆ 2022 -جىلدىڭ 27-ساۋىرىنەن قازاقستان قۇراماسىنىڭ باس باپكەرى قىزمەتىن اتقارىپ كەلدى.
سودان بەرى 22 ويىننىڭ 11-دە جەڭىسكە جەتىپ، 1-دە تەڭ ويناسا، قالعانىندا قارسىلاستارعا ەسە جىبەردى.
ەكى جىلدان بەرى ەلىمىزدىڭ ۇلتتىق قۇراماسى كوپتەگەن حالىقارالىق جارىستا جوعارى ناتيجەسىمەن كوزگە ءتۇسىپ كەلەدى.
2022/2023 -جىلداردا ۇلتتار ليگاسىندا С ديۆيزيونىندا ءوز توبىندا ءبىرىنشى ورىن الىپ، بيىل В ديۆيزيونىندا سىنعا تۇسۋگە مۇمكىندىك الدى.
ەندى قىركۇيەك- قاراشا ايلارىندا В ديۆيزيونىندا ءۇشىنشى توپتا اۆستريا، سلوۆەنيا جانە نورۆەگيامەن شەبەرلىك بايقاسادى.
سونداي-اق، 2024 -جىلعى ەۋروپا چەمپيوناتى ىرىكتەۋ ساتىسىندا ەل قۇراماسى 18 ۇپاي جيناپ، ءوز توبىندا ءۇشىنشى ورىن الدى.
بۇل - قۇراما تاريحىنداعى ۇزدىك كورسەتكىش.
اۆتور
ءادىلجان ۇمبەت