ماۋسىمنىڭ سوڭعى كۇندەرى كۇن رايى قانداي بولادى

استانا. KAZINFORM - ماۋسىم ايىنىڭ سوڭعى ونكۇندىگىندە قازاقستاننىڭ سولتۇستىك-باتىس جارتىسىندا جاڭبىر جاۋادى. بۇل تۋرالى «قازگيدرومەت» ر م ك باس ديرەكتورىنىڭ ءبىرىنشى ورىنباسارى سەرىك سايىروۆ ايتىپ بەردى.

سپيكەردىڭ ايتۋىنشا، كەي ۋاقىتتا قاتتى جاڭبىر جاۋىپ، نايزاعاي ويناپ، ەكپىندى جەل تۇرۋى مۇمكىن. ەلدىڭ باتىسىندا اۋا تەمپەراتۋراسى 18+25+ گرادۋس ارالىعىندا بولادى. ال سولتۇستىكتە اۋا تەمپەراتۋراسىنىڭ 33+38، ورتالىقتا، شىعىستا، وڭتۇستىكتە، وڭتۇستىك- شىعىستا 36+43+ گرادۋسقا دەيىن جوعارىلاۋى مۇمكىن.

«شىلدە ايىندا ەلدىڭ باسىم بولىگىندە قىسقا مەرزىمدى جاڭبىر، نايزاعاي، ەكپىندى جەل، بۇرشاق بولجانۋدا. ەلىمىزدىڭ باتىس جانە وڭتۇستىك ايماقتارىندا نايزاعايلى جاڭبىر كۇتىلەدى. ىستىق كۇندەر سالقىن كۇندەرمەن الماسىپ وتىرادى. نەگىزگى تەمپەراتۋرالىق فون باتىستا جانە وڭتۇستىك ايماقتاردا +30+38 ىستىق بولادى، كەي كۇندەرى تەرمومەتر باعانى 40-45 گرادۋسقا جەتەدى. رەسپۋبليكانىڭ سولتۇستىگىندە، ورتالىعىندا جانە شىعىسىندا تەمپەراتۋرا 25+38+ گرادۋس شەگىندە بولجانادى»، - دەدى سپيكەر ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.