ماسكەۋدە 103 جاستاعى قارتقا جامباستىڭ بۋىن بولىگىن الماستىرۋ وپەراتسياسى جاسالدى. بۇل تۋرالى قالالىق دەنساۋلىق ساقتاۋ دەپارتامەنتى حابارلادى، دەپ حابارلايدى health.mail.ru.
ناۋقاستىڭ جامباسى سىنىپ، سۇيەگى زاقىمدانعان. وپەراتسيادان كەيىن ول تىرەك-قيمىل فۋنكتسياسىن قايتا قالپىنا كەلتىردى. كەلەسى كۇنى ايەل وزدىگىنەن قوزعالا باستادى، ال بىرنەشە ايدان كەيىن، دارىگەرلەردىڭ بولجامى بويىنشا، ول تولىقتاي ءوزى جۇرە الاتىن بولادى.
بولنيتساداعى تراۆماتولوگيا جانە ورتوپەديا ءبولىمىنىڭ مەڭگەرۋشىسى ۆااگن پاپوياننىڭ ايتۋىنشا، جاسى ۇلعايعان سايىن سۇيەكتەر جۇقارادى، سىنعىش بولادى جانە سىنۋعا بەيىمدەلەدى. بۇل سۇيەك ءتىنىنىڭ ەسكى بولىگى جويىلىپ، جاڭا سۇيەك تۇزىلۋىنەن اسىپ كەتۋ پروتسەسىمەن بايلانىستى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан