ماسك X الەۋمەتتىك جەلىسىنە ماسشتابتى شابۋىل جاسالعانىن حابارلادى

استانا. KAZINFORM -  يلون ماسك X الەۋمەتتىك جەلىسىنە ماسشتابتى كيبەرشابۋىل جاسالعانىن حابارلاپ، ءالى دە جالعاسىپ وتىرعانىن ايتتى. بۇعان دەيىن الەمنىڭ ءار تۇكپىرىندەگى پلاتفورما تۇتىنۋشىلارى جەلى جۇمىسىندا اقاۋ بولعانىن جارىسا جازدى. بۇل تۋرالى BBC ءمالىم ەتتى.

— X- كە ماسشتابتى كيبەرشابۋىل جاسالدى ءالى دە جالعاسىپ جاتىر. بىزگە نەگىزى كۇن سايىن شابۋىل جاسالادى. بۇل جولى ءتىپتى ۇلكەن رەسۋرستا جاسالدى. بۇعان ءىرى ورتالىقتاندىرىلعان گرۋپپا نەمەسە ەلدىڭ قاتىسى بار جوعىن انىقتاپ جاتىرمىز، - دەلىنگەن ماسكتىڭ X كە جازعان پوستىندا.

دۇيسەنبى كۇنى X قولدانۋشىلارى ۆەبسايتتىڭ موبيلدى نۇسقاسىنىڭ جۇمىسىنا شاعىم ايتقان. ولار سونداي-اق جاڭالىقتار لەنتاسىن جاڭالاۋ، حات جىبەرۋدە ماسەلە تۋىنداعانىن حابارلاعان.