ماسكەۋ تۇسىنا قۇلاعان ۇشاق اپات تۋرالى سيگنال بەرىپ ۇلگەرگەن
09:10, 13 - شىلدە 2024
استانا. KAZINFORM - ماسكەۋ وبلىسىندا اپاتقا ۇشىراعان ۇشاق اپات تۋرالى سيگنال بەرىپ ۇلگەرگەنىمەن، كوپ ۇزاماي راداردان جوعالىپ كەتكەن، دەپ جازادى ت ا س س.
- جوندەۋدەن كەيىن ۆنۋكوۆو اۋەجايىنا ۇشقان «سۋپەردجەت- 100» لاينەرى ءبىر رەت اپات سيگنالىن بەرىپ ۇلگەردى، سودان كەيىن ول راداردان جوعالىپ كەتتى، - دەدى قۇقىق قورعاۋ ورگانىنىڭ وكىلى.
جۇما كۇنى ماسكەۋ وبلىسىنىڭ كولومەنسك اۋدانىندا ءۇش ەكيپاج مۇشەسىمەن بىرگە سۋپەردجەت-100 سىناق رەيسى اپاتقا ۇشىرادى. ولاردىڭ بارلىعى قايتىس بولدى.
بۇعان دەيىن ۇشاقتىڭ قۇلاۋى تۋرالى اقپارات ماسكەۋ وبلىسىندا تەكسەرىلەتىنى حابارلانعان بولاتىن.