رەسەي جانە امەريكالىق دەلەگاتسيالار اراسىنداعى ساۋد ارابياسىنداعى الداعى كەلىسسوزدەر تۋرالى سۇراققا جاۋاپ بەرگەن دميتري پەسكوۆ «بۇل ءدال جەكسەنبى كۇنى وتپەۋى مۇمكىن، قازىر سوڭعى نيۋانستار كەلىسىلىپ جاتىر» دەپ مالىمدەدى.
ونىڭ ايتۋىنشا، كرەمل كەلىسسوزدەرگە رەسەي تاراپىنان كىم قاتىساتىنى تۋرالى ۋاقتىلى حابارلايدى.
تاراپتار، سونىڭ ىشىندە، استىق كەلىسىمىن قايتا جانداندىرۋ ماسەلەسىن تالقىلايدى.
ەسكە سالا كەتەيىك، سەيسەنبى كۇنى رەسەي مەن ا ق ش باسشىلارى تەلەفون ارقىلى سويلەستى. تاراپتار ۋكرايناداعى بارلىق ەنەرگەتيكالىق جانە ينفراقۇرىلىمدىق ماسەلەلەر بويىنشا «تەز ارادا اتىستى توقتاتۋ» تۋرالى كەلىسىمگە كەلدى.
كەيىننەن الەمدىك كوشباسشىلار ترامپ پەن پۋتين اراسىنداعى كەلىسسوزدەردىڭ ناتيجەسىن تالقىلادى. سونداي-اق قازاقستان پرەزيدەنتى قاسىم-جومارت توقايەۆ تەلەفون ارقىلى وتكەن كەلىسسوزدەردىڭ قورىتىندىسىن قۇپتايتىنى حابارلاندى.