اقپاراتقا سايكەس، جارىلىس 26-ءساۋىر كۇنى استانا باماكوعا جاقىن كاتي قالاسىندا بولعان. سالدارىنان ساديو كامارا، ونىڭ وتباسى مۇشەلەرىمەن بىرگە كوز جۇمعان.
25-ساۋىردەن باستالعان قاقتىعىستار ەلدىڭ بىرنەشە وڭىرىندە، سونىڭ ىشىندە گاو، سيەۆارە جانە كيدال قالالارىندا جالعاسىپ جاتىر. بيلىك جاعدايدى باقىلاۋدا ۇستاپ وتىرعانىن مالىمدەگەنىمەن، ۇرىس قيمىلدارى توقتاعان جوق.
شابۋىلداردى تۋارەگ كوتەرىلىسشىلەرى مەن «ءال-كايدامەن» بايلانىسى بار JNIM توبى بىرلەسىپ جاساعانى ايتىلۋدا. سونىمەن قاتار تۋارەگتەردىڭ ازاۆادتى ازات ەتۋ فرونتى كيدال قالاسىن باقىلاۋعا العانىن مالىمدەدى.
كەيبىر دەرەكتەردە ماليدەگى رەسەيلىك كۇشتەردىڭ ءبىر بولىگى كيدالدان شىعارىلعانى تۋرالى اقپارات تارادى. سونداي-اق رەسمي راستالماعان مالىمەتتەر بويىنشا، رەسەيلىك «افريكا كورپۋسىنىڭ» تىكۇشاعى اتىپ تۇسىرىلگەن بولۋى مۇمكىن.
ەۋروپالىق وداق پەن ب ۇ ۇ ماليدەگى شابۋىلداردى قاتاڭ ايىپتادى. كايا كاللاس تەرروريزمگە قارسى كۇرەستى جالعاستىرۋعا دايىن ەكەنىن مالىمدەدى. ال انتونيۋ گۋتەرريش وڭىردەگى قاۋىپسىزدىكتى قامتاماسىز ەتۋ ءۇشىن حالىقارالىق قولداۋدى كۇشەيتۋگە شاقىردى.
ايتا كەتەيىك، ماليدە 2021 -جىلدان بەرى اسكەري حۋنتا بيلىك جۇرگىزىپ كەلەدى. ەلدە قاۋىپسىزدىك جاعدايى ءالى دە تۇراقسىز كۇيدە قالىپ وتىر.