- اگروونەركاسىپتىك كەشەن سالاسىندا سيفرلىق تەحنولوگيانى ەنگىزۋدىڭ ءبىر مىسالى وتاندىق سمارت-ترەكەر جانە مالدىڭ جاي-كۇيىن مونيتورينگتەۋ جۇيەسى. شەشىم فەرمەرلەر مەن اگرارلىق كومپانيالارعا مالدىڭ جاعدايىن ونلاين باقىلاۋعا جانە ولاردى ءتۇرلى اۋرۋدان ساقتاۋعا مۇمكىندىك بەرەدى، - دەدى جاسلان ماديەۆ ۇكىمەت وتىرىسىندا.
جۇيە مالدىڭ كەلەسىدەي جاي-كۇيىن باقىلايدى:
- قورەكتەنۋ بەلسەندىلىگىن تالداۋ؛
- جالپى فيزيكالىق بەلسەندىلىك؛
- دەنە تەمپەراتۋراسى؛
- مالدىڭ ۇدەۋى جانە بەلسەندىلىگى.
- شەشىم سونىمەن قاتار ۆەتەريناريالىق قىزمەتتى تسيفرلاندىرۋعا، قارجى ۇيىمدارى مەن مەملەكەتتىك قۇرىلىمدار ءۇشىن ماقساتتى قارجىلاندىرۋ جانە مال شارۋاشىلىعىن ساقتاندىرۋ پروتسەسىن تسيفرلاندىرۋعا نەگىز. بۇگىندە اتالعان جۇيە ەلىمىزدىڭ ءۇش وڭىرىندە ەنگىزىلىپ، تابىستى جۇمىس ىستەپ جاتىر، - دەيدى ۆەدومستۆو باسشىسى.