مالايزيا جانە تايلاندتىڭ سىرتقى ىستەر مينيسترلەرى ميانماعا بارادى

استانا. KAZINFORM — موحاماد حاسان مەن ماريت سانگيامپحونگ گۋمانيتارلىق كومەكتى ۇيلەستىرۋ جانە قۇتقارۋ وپەراتسيالارىنا جاردەمدەسۋ ماقساتىندا ساپارلايدى. بۇل تۋرالى ت ا س س حابارلادى.

مالايزيانىڭ سىرتقى ىستەر ءمينيسترى موحاماد حاسان جانە تايلاندتىڭ سىرتقى ىستەر ءمينيسترى ماريت سانگيامپحونگ 5 - ساۋىردە جەر سىلكىنىسىنەن زارداپ شەككەن ميانماعا گۋمانيتارلىق ساپارمەن بارادى. بۇل تۋرالى وڭتۇستىك- شىعىس ازيا ەلدەرى قاۋىمداستىعىنىڭ (ا س ە ا ن) سىرتقى ىستەر مينيسترلەرى قابىلداعان مالىمدەمەدە ايتىلعان.

قۇجاتقا سايكەس، سىرتقى ىستەر مينيسترلەرى ميانماعا گۋمانيتارلىق كومەكتى ۇيلەستىرۋ، قۇتقارۋ وپەراتسيالارىنا جاردەمدەسۋ، سونداي-اق تابيعي اپاتتارمەن كۇرەس جونىندەگى اسەان گۋمانيتارلىق كومەك كورسەتۋ ۇيلەستىرۋ ورتالىعىمەن ءوزارا ءىس- قيمىلدا جەدەل جانە ءتيىمدى گۋمانيتارلىق جاۋاپ بەرۋدى قامتاماسىز ەتۋ ماقساتىندا بارادى.

Bernama اگەنتتىگىنىڭ مالايزيا س ءى م- ىنە سىلتەمە جاساي وتىرىپ حابارلاۋىنشا، بۇل ساپار كۋالا- لۋمپۋردىڭ ميانما حالقىمەن ىنتىماقتاستىعىن كورسەتىپ، گۋمانيتارلىق كومەكتى قاجەتتىلىكتەرگە سايكەس ءتيىمدى جەتكىزۋگە ىقپال ەتەدى.

30-ناۋرىزدا ا س ە ا ن- عا ءتوراعالىق ەتەتىن مالايزيا ميانما مەن تايلاندتاعى جەر سىلكىنىسىنىڭ سالدارىنا بايلانىستى ۇيىمعا مۇشە ەلدەردىڭ سىرتقى ىستەر مينيسترلەرىنىڭ جەدەل بەينەكونفەرەنتسيا فورماتىنداعى كەزدەسۋىن شاقىردى. قاتىسۋشىلار زارداپ شەككەن ەلدەرگە گۋمانيتارلىق كومەك كورسەتۋ ماقساتىندا تىعىز ىنتىماقتاسۋعا نيەتتى ەكەنىن ءبىلدىردى. بۇعان دەيىن مالايزيانىڭ س ءى م ەلدىڭ ميانماعا گۋمانيتارلىق كومەك كورسەتۋ جانە جەر سىلكىنىسىنىڭ سالدارىن جويۋ جونىندەگى 50 ادامنان تۇراتىن ارنايى توپ جىبەرەتىنىن حابارلاعان بولاتىن.

ايتا كەتەلىك ميانماداعى جەر سىلكىنىسىنەن مەرت بولعاندار سانى 1700 گە جەتتى.