«پرەزيدەنت ءىسى باسقارماسى مەديتسينا ورتالىعىنىڭ باس سانيتارلىق دارىگەرى ا. تەمىرعاليەۆانىڭ 6.02.2024 ج. قاۋلىسىنا سايكەس پارلامەنت ءماجىلىسى عيماراتىنىڭ اۋماعىندا كوروناۆيرۋس ينفەكسياسى بويىنشا قولايسىز ەپيدەميولوگيالىق جاعدايعا بايلانىستى 7 -اقپاننان باستاپ مىندەتتى ماسكا تاعۋ رەجيمى ەنگىزىلدى. سونىمەن قاتار ىندەتتىڭ الدىن الۋ شارالارى ءجۇرىپ جاتىر. ماجىلىستەگى ءىس-شارالار ونلاين فورماتقا اۋىستىرىلادى نەمەسە ماسكا رەجيمى مەن سانيتارلىق نورمالاردى قاتاڭ ساقتاي وتىرىپ وتكىزىلەدى، - دەپ حابارلادى ق ر ءماجىلىسىنىڭ باسپا ءسوز قىزمەتى.
وسىعان بايلانىستى ءماجىلىستىڭ باسپا ءسوز قىزمەتى ب ا ق وكىلدەرىنەن ءىس-شارالارعا ماسكا تاعىپ كەلۋدى سۇرايدى.
اۆتور
داۋلەت ىزتىلەۋ