استانا. قازاقپارات - بوكستان شىمكەنتتە ءوتىپ جاتقان قاراقوزى ابداليەۆتى ەسكە الۋعا ارنالعان حالىقارالىق تۋرنيردە ماحمۇد سابىرحان قىرعىزستاننان كەلگەن ەلحان مولدوعازيەۆتى تەحنيكالىق نوكاۋتپەن جەڭىپ شىقتى، - دەپ حابارلايدى msports.kz سايتى.
57 كەلىگە دەيىنگى سالماقتا باق سىناپ جاتقان ماحمۇد ءبىرىنشى جەكپە-جەگىندە دە قارسىلاسىن ۋاقىتىنان بۇرىن جەڭىپ شىققان ەدى. قىرعىز ەلحان مولدوعازيەۆ تە الەم چەمپيونىنا قارسى جۇدىرىقتاسۋدى تولىق اياقتاي المادى. ەكىنشى راۋندتا تورەشى جەكپە-جەكتى توقتاتتى.
ايتا كەتەيىك، شىمكەنتتەگى تۋرنيرگە قازاقستان قۇراماسى بوكسشىلارىنىڭ باسىم كوپشىلىگى قاتىسىپ جاتىر. ولاردىڭ قاتارىندا سانجار تاشكەنباي، تەمىرتاس ءجۇسىپوۆ، ساكەن بيبوسىنوۆ، سەرىك تەمىرجانوۆ، دۋلات بەكباۋوۆ، مۇحامەدسابىر بازارباي، ايبەك ورالباي جانە ت. ب. بار.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан