«رەسەيلىك جەتەكشى «روس سەلماش» كومپانياسىنىڭ، پەتەربۋرگ تراكتور زاۋىتىنىڭ تراكتورلارى مەن كومبايندارىن قۇراستىرۋ ءوندىرىسى تابىستى جۇزەگە اسىرىلۋدا. قازاقستاندىق فەرمەرلەر اراسىندا ۆەكتور، كيروۆەتس، اكروس سىندى مودەلدەر ۇلكەن سۇرانىسقا يە. قازاقستان فەرمەرلەرگە جەڭىلدىكپەن نەسيە جانە ليزينگ بەرۋ ارقىلى اۋىل شارۋاشىلىعى تەحنيكالارىنا سۇرانىستى قامتاماسىز ەتىپ وتىر»، - دەدى قاسىم- جومارت توقايەۆ.
قاسىم- جومارت توقايەۆ تاياۋ ارادا قازاقستاننىڭ ماشينا جاساۋ سالاسىنا كورسەتىلەتىن مەملەكەتتىك قولداۋ شاراسىنىڭ باعىتى كەزەڭ- كەزەڭمەن وزگەرەتىنىن ايتتى. الداعى ۋاقىتتا تەحنيكانى ءىرى بولشەكتەردەن عانا ەمەس، بىرتە- بىرتە ۇساق بولشەكتەن قۇراستىراتىن ارالاس وندىرىسكە باسىمدىق بەرىلەتىنىن جەتكىزدى.
بۇل رەتتە پرەزيدەنت ەڭبەك ونىمدىلىگىنە، يمپورتتالاتىن قوسالقى بولشەكتەردىڭ جەرگىلىكتى ءوندىرىسىن جولعا قويۋعا جانە ءونىمدى جۇمىس ورىندارىن اشۋعا باسا ءمان بەرۋ ماڭىزدى ەكەنىن اتاپ ءوتتى.
اۆتور
مارلان جيەمباي