الماتىدا «Mad MEN» توبىنىڭ مۋزىكانتتارىنا ۇيىمداسقان قىلمىستىق توپ قۇردى دەگەن ايىپ تاعىلدى
ەسكە سالايىق، تۇراقتى ەسىرتكى جەلىسىن الماتى پوليتسياسى ءبىر اي بۇرىن جويعان بولاتىن. ونىڭ قۇرامىندا 21 جاستان 30 جاسقا دەيىنگى 10 ادام بار. توپتى - 1994 -جىلى تۋعان ح. ەسىمدى ەر ادام باسقارعان.
«ەسىرتكى قىلمىسىنا قارسى كۇرەس باسقارماسى قىزمەتكەرلەرىنىڭ كوزىنە ح. ەسىمدى ەر ادام 2020 -جىلدىڭ قىركۇيەگىندە تۇسكەن. قولدا بار جەدەل مالىمەتتەرگە سايكەس، توپتاعى ادام ءبىر جىل بويى الماتىدا سينتەتيكالىق ەسىرتكىنى وندىرۋمەن جانە ساتۋمەن اينالىسقان. كۇدىكتىنىڭ جانە ونىڭ «كومەكشىلەرىنىڭ» قىلمىستىق ارەكەتتەرى رەسمي تۇردە قۇجاتتالدى. ونىڭ ءار كومەكشىسىنىڭ رولدەرى ناقتى تاعايىندالعان. مىسالى، لوگيستيكالىق كومپانيا ارقىلى رەسەي فەدەراتسياسىنان سينتەتيكالىق ەسىرتكى زاتتارىن وندىرۋگە ارنالعان كومپونەنتتەردى جەتكىزۋگە ءۇش ادام جاۋاپ بەردى، ولاردىڭ ءبىرى قىز بالا؛ ەكى جاس جىگىت - كاسسيرلەر، وتىنىمدەر قابىلداۋعا جانە ەسىرتكىنى قويىپ كەتەتىندەرگە جاۋاپ بەردى؛ تاعى ءتورت ەر ادام - ەسىرتكى قويۋشىلار، قالانىڭ ناۋرىزباي، بوستاندىق جانە الاتاۋ اۋداندارىندا جۇرگەن»، - دەدى الماتى قالالىق پ د ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.
وسى ءىستى تەرگەۋ بارىسىندا ونىڭ قاتىسۋشىلارى ق ر ق ك- ءنىڭ 262-بابى، 1-بولىگى مەن 2-بولىگىندە كوزدەلگەن ۇيىمداسقان قىلمىستىق توپتى قۇرۋ جانە وعان باسشىلىق ەتۋ فاكتىسى بويىنشا ايىپ تاعىلۋدا. كۇدىكتىلەر سوتتىڭ كەلىسىمىمەن قاماۋعا الىندى. سوتقا دەيىنگى تەرگەۋ جالعاسۋدا.
ايتا كەتەيىك، بۇعان دەيىن الماتىدا «Mad MEN» توبىنىڭ مۋزىكانتتارى ەسىرتكى ساتتى دەگەن كۇدىكپەن ۇستالعانىن حابارلاعان ەدىك.
اۆتور: الما مۇقانوۆا