ماڭعىستاۋلىق جۇمىسشىلار پرەزيدەنتكە ۇندەۋىندە نە ايتتى

استانا. KAZINFORM - ماڭعىستاۋ وڭىرىنەن ءبىر توپ جۇمىسشى مەملەكەت باسشىسىنىڭ اتىنا ۇندەۋ جولدادى.

«ءبىز، وتىن- ەنەرگەتيكا كەشەنى (و ە ك) قىزمەتكەرلەرىنىڭ سالالىق كاسىپوداعىنىڭ مۇشەلەرى، پرەزيدەنت اكىمشىلىگىمەن بىرلەسىپ، بۇرىننان كەلە جاتقان كۇردەلى ماسەلەلەردى جانە الدىمىزعا قويىلعان مىندەتتەردى بىرتىندەپ شەشىپ كەلەمىز. ءبىز، مۇنايشىلار، بىزگە جاساعان جانە جاسالىپ جاتقان بارلىق جاقسىلىقتارىڭىزعا العىس ايتامىز. الايدا زۇلىم كۇشتەر ءبىزدى ءبىر- بىرىمىزگە قارسى قويۋعا ارەكەت جاساپ، بىرلەسىپ اتقارعان ۇلكەن شارۋالارىمىزدى جوققا شىعارۋعا جانە بولاشاقتا جاسالۋعا ءتيىس جۇمىستارىمىزعا كەدەرگى كەلتىرۋگە تىرىسىپ جاتىر. ولار وعان قول جەتكىزە المايدى، ويتكەنى ءبىز سىزدەن جانە پرەزيدەنت اكىمشىلىگىمەن بىرگە ەكەنىمىزدى قاپەرىڭىزگە بەرەمىز. سىزگە جەتىپ جاتىرعان ءبىز جايىنداعى جاعىمسىز اقپاراتتارعا سەنبەۋىڭىزدى سۇرايمىز. ول اقپاراتتاردىڭ بارلىعى جالعان، ويتكەنى ءبىزدىڭ جاساپ جاتقان ءىس- ارەكەتتەرىمىز پرەزيدەنت اكىمشىلىگىمەن بىرلەسىپ جاسالۋدا. ءبىز تەك بىرىگىپ قانا مىزعىماس قامال بولا الامىز. ەرتەڭ ءوسىپ وركەندەگەن ەلدە ءومىر ءسۇرۋ ماقساتىندا اقىلداسىپ، كەڭەسىپ وتىرساق شەشىلمەيتىن ماسەلە جوق دەپ ەسەپتەيمىز»، - دەيدى «وتىن- ەنەرگەتيكا كەشەنى» قىزمەتكەرلەرى.

پرەزيدەنتكە ۇندەۋ جولداعاندار قاتارىندا KMG- Security جاڭاوزەن فيليالىنىڭ جۇمىسشىلارى دا بار.

«قۇرمەتتى قاسىم- جومارت توقايەۆ ءبىز پرەزيدەنت اكىمشىلىگىمەن بىرىگىپ بۇرىننان كەلە جاتقان ماسەلەلەردى جانە ءسىز الدىڭىزعا قويعان مىندەتتەردى بىرتىندەپ شەشىپ كەلەمىز. زۇلىم كۇشتەر ءبىزدى ءبىر-بىرىمىزگە قارسى قويۋعا تىرىسقانىمەن، ولار وعان قول جەتكىزە المايدى، ويتكەنى ءبىز سىزبەن بىرگەمىز. ەرتەڭ ءوسىپ وركەندەگەن ەلدە ءومىر ءسۇرۋ ماقساتىندا اقىلداسىپ، كەڭەسىپ وتىرساق شەشىلمەيتىن ماسەلە جوق ەسەپتەيمىز»، — دەيدى جۇمىسشىلار.

ءوز كەزەگىندە ماڭعىستاۋ وبلىسى Oil Construction Company قۇرىلىسشىلارى پرەزيدەنتكە العىس ايتۋدان باستادى.

«قۇرمەتتى پرەزيدەنت مىرزا، ەل ءۇشىن وسىناۋ قيىن-قىستاۋ ۋاقىتتا ءبىز ءاردايىم سىزبەن بىرگەمىز جانە ءسىزدى قولدايمىز. ءبىز كاسىپوداق مۇشەلەرى جانە پرەزيدەنت اكىمشىلىگى بىرلەسىپ بۇرىننان كەلە جاتىرعان ماسەلەلەردى جانە ءسىز الدىمىزعا قويعان مىندەتتەردى بىرتىندەپ شەشىپ كەلەمىز. سىرتقى زۇلىم ءبىزدى ءبىر- بىرىمىزگە قارسى قويۋعا تىرىسقانىمەن ولار وعان قول جەتكىزە المايدى. ويتكەنى، ءبىز سىزبەن بىرگەمىز. ءبىز تەك بىرىگىپ قانا مىزعىماس قامال بولا الامىز. ەرتەڭ ءوسىپ، وركەندەگەن ەلدە ءومىر ءسۇرۋ ماقساتىندا ءبىز اقىلداسىپ، كەڭەسىپ وتىرساق، شەشىلمەيتىن ماسەلە جوق دەپ ەسەپتەيمىز. ءبىز قر پرەزيدەنتى قاسىم- جومارت توقايەۆپەن بىرگەمىز!»، - دەيدى كومپانيا قىزمەتكەرلەرى.