ماڭعىستاۋدا ەسىركى زاتتارى ساقتالعان قويما تابىلدى

اقتاۋ. KAZINFORM - جاسىرىن قويمادا 60 ميلليون تەڭگەنىڭ ەسىرتكىسى انىقتالدى.

مەملەكەت باسشىسىنىڭ تاپسىرماسىن ورىنداۋ ماقساتىندا ماڭعىستاۋ وبلىسى بويىنشا ەكونوميكالىق تەرگەپ- تەكسەرۋ دەپارتامەنتىنىڭ قىزمەتكەرلەرى، جەدەل- ىزدەستىرۋ ءىس- شارالارىن جۇرگىزدى. ۇلتتىق قاۋىپسىزدىك كوميتەتىنىڭ شەكارا قىزمەتكەرلەرىمەن بىرلەسە جانە ماڭعىستاۋ وبلىسىنىڭ پروكۋراتۋراسىنىڭ ۇيلەستىرۋىمەن بىرگە «ءومىر» دەمالىس بازاسىنا قاراي 39 شاقىرىم جەردە ورنالاسقان قۇمدى اۋماقتان جاسىرىن قويمانى انىقتادى. ونىڭ ىشىنەن سالماعى 10 كەلى، باعاسى 60 ميلليون تەڭگە تۇراتىن، گاشيش ەسىرتكىسىن شىعاردى.

وسىلايشا ماڭعىستاۋ وبلىسى بويىنشا ەكونوميكالىق تەرگەپ- تەكسەرۋ دەپارتامەنتىنىڭ قىزمەتكەرلەرى وبلىس اۋماعىندا ەسىرتكى زاتتارىنىڭ زاڭسىز ساتىلۋىن توقتاتتى.

اتالعان فاكتى بويىنشا ق ر ق ك 296-بابى 4-بولىگى (ەسىرتكى، پسيحوتروپتىق زاتتاردى، ولاردىڭ انالوگتارىن اسا ءىرى مولشەردە زاڭسىز دايىنداۋ، وڭدەۋ، ساتىپ الۋ، ساقتاۋ، تاسىمالداۋ) بويىنشا الدىن الا تەرگەپ- تەكسەرۋ باستالدى.

قۇقىقتىق اقپاراتتىڭ وزگە بولىگى ق ر ق پ ك 201-بابىنا سايكەس جاريا ەتۋگە جاتپايدى.

بۇعان دەيىن ماڭعىستاۋدا بىرنەشە كۇننەن بەرى قوقىس پوليگونى ورتەنىپ جاتقانىن جازعان بولاتىنبىز.