ماڭعىستاۋدا ءبىر ەرەسەك ادام مەن ەكى بالا وت شاشۋدان زارداپ شەكتى

ماڭعىستاۋ وبلىسىندا وت شاشۋدان ءۇش ادام زارداپ شەكتى. ونىڭ بىرەۋى - ەرەسەك ادام، ەكەۋى - بالا. بۇل تۋرالى ماڭعىستاۋ وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى ءمالىم ەتتى، دەپ حابارلايدى Kazinform.

- ماڭعىستاۋ وبلىستىق جەدەل جانە شۇعىل مەديتسينالىق جاردەم ستانتسياسى جاڭا جىل تۇنىندە 1216 شاقىرتۋعا قىزمەت كورسەتكەن. دارىگەرلەر مەن فەلدشەرلەردىڭ جۇمىسى ەكى ەسەگە ارتقان. ونىڭ ىشىندە 7 جول-كولىك وقيعاسى جانە 2 پىشاق جاراقاتى بولعان.
وت شاشۋدان 3 ادام جاراقات العان. ونىڭ بىرەۋى - ەرەسەك ادام، ەكەۋى - كىشكەنتاي بالا، دەلىنگەن باسپا ءسوز مالىمەتىندە.

ايتا كەتەيىك، بۇعان دەيىن اقتاۋدا جاڭاجىلدىق وتشاشۋعا 3 ميلليون تەڭگە بولىنگەنىن حابارلاعان ەدىك.