ماڭعىستاۋدا مۇناي كومپانيالارىنىڭ باسشىلارى ۇستالدى

استانا. KAZINFORM - ماڭعىستاۋ وبلىسىنىڭ پروكۋراتۋراسى ۋاكىلەتتى ورگاندارمەن بىرلەسىپ مۇناي-گاز سالاسىنىڭ جەكەلەگەن كاسىپورىندارىنىڭ قىزمەتىندە تەكسەرۋ جۇرگىزۋدە، دەپ حابارلايدى وڭىرلىك پروكۋراتۋرانىڭ باسپا ءسوز قىزمەتى.

«ويل ترانسپورت كورپورەيشن» ج ش س لاۋازىمدى تۇلعالارى بيۋدجەت قاراجاتى ەسەبىنەن 700 ميلليون تەڭگەدەن استام سوماعا مەردىگەر كومپانيانىڭ شىعىستارىن نەگىزسىز وتەگەنى انىقتالدى.

بۇدان باسقا، مەردىگەرلەرگە ناقتى كورسەتىلمەگەن كولىك قىزمەتتەرى ءۇشىن 2,2 ميلليارد تەڭگە اۋدارىلعان.

اتالعان بۇزۋشىلىقتار بويىنشا قىلمىستىق كودەكستىڭ 189-بابىنىڭ 4-بولىگى بويىنشا (اسا ءىرى مولشەردە جىمقىرۋ) سوتقا دەيىنگى تەرگەۋ باستالدى.

سونداي-اق، «قازمۇنايگاز «ۇ ك» ا ق ەنشىلەس ۇيىمىنىڭ 11 ميلليون تەڭگەسىن جىمقىرۋ فاكتىسى بويىنشا سوتقا دەيىنگى تەرگەپ- تەكسەرۋ باستالدى.

«ويل ترانسپورت كورپورەيشن» ج ش س- ءنىڭ بۇرىنعى باسشىسى «ت» ۇستالدى.

قاراجاتتى جىمقىرۋ فاكتىسىمەن ق ك- ءنىڭ 189-بابىمەن بۇرىن باستالعان سوتقا دەيىنگى تەرگەپ- تەكسەرۋلەر بويىنشا «ويل ترانسپورت كورپورەيشن» ج ش س- ءنىڭ وندىرىستىك- تەحنيكالىق ءبولىمىنىڭ باستىعى، مەردىگەرلىك ۇيىمداردىڭ 2 وكىلى ۇستالدى.

پروكۋرورلىق تەكسەرۋ باستالعاننان بەرى بارلىعى 19 سوتقا دەيىنگى تەرگەۋ باستالدى، ولار ماڭعىستاۋ وبلىسىنىڭ ەكونوميكالىق تەرگەۋ دەپارتامەنتىنىڭ وندىرىسىندە.

بيۋدجەت قاراجاتىن جىمقىرۋ جانە تالان- تاراجعا سالۋ فاكتىلەرى بويىنشا ولاردى تەرگەۋ شەڭبەرىندە 8 ادام، ونىڭ ىشىندە «قازمۇنايگاز «ۇك» اق ەنشىلەس كومپانيالارىنىڭ 4 باسشى لاۋازىمىنداعى تۇلعالار ۇستالدى.

تەرگەۋ مۇددەسى ءۇشىن باسقا مالىمەتتەر جاريا ەتىلمەيدى.